Jebta 34

Hilamōn im 2,000 Ritariņae ro Rem̧m̧an Ded

riwaj ro ioon wōrwōr eo

Armej ro an Ammōn rekar kallim̧uri Anij bwe rejamin bar tariņae. Rekar jokwe epaakeļo̧k Rinipai ro, im Rinipai ro rekar kōjparok er.

Alma 53:10–12

em̧m̧aan ro rej kōnono ippān Hilamōn

Ke rikōjrat ro an armej in Ammōn ro ekar tariņaeik Rinipai ro, armej ro an Ammōn rekar kōņaan rupe kallim̧ur ko aer im jipan̄ Rinipai ro tariņae.

Alma 53:13.

Hilamōn ej kōnono n̄an juon kumi eo

Hilamōn im ritōl ro jet an Rinipai ro rekar jab kōņaan bwe armej ro an Ammōn ren rupe kallim̧ur eo aer n̄an Anij.

Alma 53:14–15

ļaddik ro nejin armej in Ammōn

Ļaddik em̧m̧an ded ro nejin armej in Ammōn rejjan̄in kar kōm̧m̧an aer kallim̧ur. Rekar kōņaan jipan̄ jarin tariņae eo an Rinipai ro tariņae n̄an bōk anemkwōj.

Alma 53:16–17

2,000 ritariņae ro

Ruo taujin in likaro rein rekar kāālōt n̄an bōbrae laļ eo aer. Rekar kajjitōk ippān Hilamōn bwe en aer ritōl.

Alma 53:18–19

Ritariņae ro jilu

Likaro rein rekar lukkuun dipen, peran, im kajoor. Rekar barāinwōt m̧ool im ļap lōke er, im rekar kōjparok kien ko an Anij.

Alma 53:20–21

Hilamōn im ritariņae ro

Hilamōn ekar tōl 2,000 ritariņae ro rem̧m̧an ded ilo pata eo. Ekar kūr er ļōm̧ar nejin, im rekar ān̄inn̄ini jemeer.

Alma 53:22; 56:46

Hilamōn ej tōl ritariņae ro

Men̄e ļōmaro nejin Hilamōn rejjan̄in kar tariņae, rekar jab mijak. Ro jineer rekar katakin er bwe ren tōmak ilo Anij im n̄an jeļā bwe enaaj kar jipan̄ er.

Alma 56:47

ritariņae ro rej tariņae

Hilamōn im jarin tariņae eo an rekar tariņae ilo elōn̄ pata ko ņae Rileman ro. Likao rein rekar pokake aolepān kean̄ ko an Hilamōn

Alma 57:19–21

ritariņae ro ālkin pata eo

Rej tariņae ilo aer peran im rekar jipan̄ lukwarkwar rikōjrat ro aer. Ālkin pata eo Hilamōn ekar lo bwe aolep likao ro nejin rekar emetaktak ak ejjeļo̧k juon iaer ekar mej.

Alma 57:22, 25

Hilamōn im ritariņae eo

Ekar juon menin bwilōn̄. Hilamōn ekar lukkuun m̧ōņōņō. Ekar jeļā bwe likao rein kar kōjparok er kōn tōmak eo aer eļap ilo Anij.

Alma 57:26–27