Jebta 27

Korior

Juon em̧m̧aan kar etan Korior ekar itok n̄an Zaraemla. Ekar jab tōmak ilo Jisōs Kraist im ekar kwaļo̧k naan bwe ta ko rikanaan ro rekar ba kōn Rilo̧mo̧o̧r eo rekar jab m̧ool.

Alma 30:6, 12–14

Korior ekar jiron̄ armej ro bwe rebwebwe ilo aer tōmak bwe Jisōs enaaj itok n̄an laļ in im en̄taan kōn jerawiwi ko aer.

Alma 30:16

Ekar ba n̄an armej ro bwe reban kaje er kōn jerawiwi ko aer kōnke ejjeļo̧k mour ālkin mej. Elōn̄ armej rekar tōmak Korior. Rekar jino nana ļo̧k.

Alma 30:17–18

Korior ekar kajeon̄ kwaļo̧k naan n̄an armej ro an Ammōn, ak rekar jab kōņaan ron̄jake. Rekar lukwōj e im bōk e n̄an Ammōn, ro rekar kipel e bwe en kadiwōjļo̧k e jān jikin eo.

Alma 30:19–21

Korior ekar etal n̄an āneen Gideon, ak armej ro rekar jab bar ron̄jake. Riekajet eo eutiej ekar jilkinļo̧k e n̄an Alma.

Alma 30:21, 29

Alma ekar kajjitōk ippān Korior eļan̄n̄e ej tōmak ilo Anij. Korior ekar ba ejjab. Alma ekar kwaļo̧k an kam̧ool bwe ewōr juon Anij im bwe Kraist enaaj itok.

Alma 30:37–39

Korior ekar kōņaan bwe Alma en kōm̧m̧an juon menin bwilōn̄ n̄an kam̧ool ke ewōr juon Anij. Korior ekar ba bwe enaaj tōmak ilo Anij eļan̄n̄e ej lo juon kōkaļļe in kajoor an Anij.

Alma 30:43

Alma ekar jiron̄ Korior bwe em̧ōj an lo kadede elōn̄ kōkaļļe ko kōn kajoor an Anij kōn jeje ko rekwojarjar im naan in kam̧ool ko an aolep rikanaan ro.

Alma 30:44

Alma ekar ba bwe laļ in im aolep men ko ie im makūtkūt an aolep planet ko ilo lan̄ rej barāinwōt kōkaļļe ko bwe ewōr juon Anij.

Alma 30:44

Korior ekar makoko wōt in tōmak. Alma ekar buromōj kōn nana ko an Korior im ekar kakkōļ e bwe naaj kakkure jetōb eo an.

Alma 30:45–46

Korior ekar kōņaan wōt juon kōkaļļe n̄an kam̧ool bwe ewōr juon Anij. Alma ekar ba bwe kōkaļļe jān Anij enaaj bwe Korior en jab maron̄ kōnono.

Alma 30:48–49

Ālkin an Alma ba menin, Korior ekar jab maron̄ kōnono.

Alma 30:50

Korior ekar jeje bwe ekar jeļā kōn kōkaļļe in jān Anij im bwe ekar baj jeļā wōt ke ewōr juon Anij. Ekar kajjitōkin Alma n̄an jar im joļo̧k kaje eo,

Alma 30:52, 54

Alma ekar jeļā bwe eļan̄n̄e Korior ebar kōnono emaron̄ kōnono riab n̄an armej ro. Alma ekar ba Irooj enaaj kāālōt eļan̄n̄e Korior enaaj bar kōnono.

Alma 30:55

Irooj ekar jab bar kōro̧o̧lļo̧k an Korior jeļā kōnono. Korior ekar etetal jān em̧ n̄an em̧, kajjitōk m̧ōn̄ā.

Alma 30:56

Riekajet eo eutiej ekar jilkinļo̧k juon leta n̄an aolepān āne eo kwaļo̧k ta eo ekar waļo̧k n̄an Korior. Ekar jiron̄ ro me rekar tōmak Korior n̄an ukweļo̧k. Armej ro rekar ukweļo̧k.

Alma 30:57–58

Korior ekar etal im jokwe ippān Rizoram ro. Juon raan ke ej kajjitōk, rekar jujuri n̄an n̄e emej.

Alma 30:59