Jebta 54
Kallim̧ur eo an Bok in Mormon
Mokta jen an Mormon kar kalbwin pileij ko kattōn eo āliktata, ekar je juon kallim̧ur n̄an Rileman ro im jabdewōt eo enaaj riiti ļo̧o̧k ko.
Eaar jiron̄ armej n̄an riiti ļo̧o̧k ko, lukkuun kōlmenļo̧kjen kaki, innem kajjitōk ippān Jemedwōj Ilan̄ eļan̄n̄e remool.
Moronai eaar kallim̧ur bwe eļan̄n̄e armej renaaj kajjitōk ilo bōro em̧ool, kōn tōmak ilo Kraist, Jetōb Kwojarjar eo enaaj jipan̄ er jeļā bwe ļo̧o̧k ko rem̧ool.
Moronai eaar jeje bwe eļan̄n̄e armej rej ukweļo̧k, ļo̧or Jisōs Kraist, im iakwe Jemedwōj Ilan̄, remaron̄ erom̧ wānōk.
Ke eaar dedeļo̧k an Moronai jeje ioon pileij kooļ ko, eaar ņooji ilowaan juon bo̧o̧k dekā ilo Bat Kumora im kalbubuik bo̧o̧k eo kōn juon dekā ekilep. Jerbal eo an ioon laļ in eaar dedeļo̧k.