Jebta 11
Inōs
Inōs kar nejin Jekab. Ekar kōjparok pileij ko im ekar jeje ioer ālkin an jemān kar mej.
Juon raan Inōs ekar kakūdudu ilo bulōņ wōjke ko. Ekar ļōmņak kōn katak ko an Jemān im ekar kōņaan jeorļo̧k jerawiwi ko an.
Inōs ekar bukwelōlō im jar n̄an Anij. Ekar jar aolepān raan eo im ekar jar wōt m̧ae ekar bon̄.
Anij ekar jiron̄ Inōs bwe kōn tōmak eo an ilo Jisōs Kraist, em̧ōj jeorļo̧k jerawiwi ko an.
Innām Inōs ekar kōņaan bwe Irooj en kōjeram̧m̧an Rinipai ro. Ekar jar kōn er, im Irooj ekar ba enaaj kōjeraam̧m̧an er eļan̄n̄e renaaj kōjparok kien ko an.
Inōs ekar bar kōņaan bwe Irooj en kōjeram̧m̧an Rileman ro. Ekar jar kōn tōmak eļap, im Irooj ekar kallim̧ur n̄an kōm̧m̧ane ta eo Inōs ekar kajjitōkin e.
Men̄e Rileman ro rekar ire ņae Rinipai ro im rekar kajjieon̄ kakkure ļo̧o̧k ko aer, Inōs ekar jar bwe ren erom armej ro rejim̧we.
Inōs ekar jar bwe ļo̧o̧k ko me ekar kōjparoki ren koņ. Irooj ekar kallim̧ur bwe juon raan enaaj leļo̧k n̄an Rileman ro katak ko me rekar pād ilo ļo̧o̧k ko.
Inōs ekar kwaļo̧k naan n̄an Rinipai ro. Ekar kōņaan bwe ren tōmak ilo Anij im kōjparok kien ko an.
Rinipai ro rekar kajjieon̄ katakin gospel eo n̄an Rileman ro, ak rekar jab ron̄jake. Rileman ro rekar dike Rinipai ro.
Inōs ekar leļo̧k mour eo an im katakin armej kōn Jisōs im gospel eo. Ekar jerbal n̄an Anij im ekar iakwe e ilo aolepān raan in mour ko an.