Jebta 30

Alma ej Kapilōk Ļōmaro Nejin

Alma ekar jab m̧ōņōņō kōnke kōn jon̄an nana eo an Rinipai ro raar erom. Ekar kōnono n̄an kajjojo iaan ļōmaro nejin kōn mour jim̧we.

Alma 35:15–16

Alma ekar jiron̄ Hilamōn, ļeo nejin erūtto tata, n̄an lōke Anij. Ekar ba n̄an e kōn enjeļ eo me Anij ekar jilkinļo̧k bwe en ba n̄an Alma bwe en bōjrak jān an kakkure Kabun̄ eo.

Alma 36:3, 6

Ium̧win jilu raan Alma ekar en̄taan kōn ruōn. Innem ekar keememej katak ko an jemān kōn Jisōs, im ekar jeļā bwe jerawiwi ko an remaron̄ kar jako.

Alma 36:16–17

Alma ekar jar n̄an jeorļo̧k bōd, im lan̄lōn̄ ekar bōk jikin metak eo ilo e. Ekar bōk jeorļo̧k bōd kōnke ekar wōr an tōmak ilo Jisōs Kraist im ekar ukweļo̧k.

Alma 36:18–20

Jān iien eo Alma ekar katakin ro jet kōn gospel eo bwe ren maron̄ en̄jake ejja lan̄lōn̄ eo wōt me rekar en̄jake, Anij ekar kōjeram̧m̧an Alma kōn an lōke Anij.

Alma 36:24, 27

Alma ekar leļo̧k n̄an Hilamōn ļo̧o̧k ko rekwojarjar im ekar jiron̄ e n̄an wōnm̧aanļo̧k wōt im je bwebwenaton armej ro aer.

Alma 37:1–2

Alma ekar jiron̄ e bwe eļan̄n̄e enaaj kōjparok kien ko, Anij enaaj kōjeram̧m̧an e im jipan̄ e kōjparok ļo̧o̧k ko.

Alma 37:13, 16

Alma ekar barāinwōt ba n̄an Hilamōn bwe en jar aolep jibbon̄ im jota im bwebwenato ippān Anij kōn aolep men ko ekar kōm̧m̧ani bwe Anij en maron̄ jipan̄ tōl e.

Alma 37:36–37

Alma ekar m̧ōņōņō kōn ļeo nejin Shiblon, eo me ekar juon mijenede eperan n̄an Rizoram ro. Shiblon ekar tōmak wōt men̄e rekar kade kōn dōkā.

Alma 38:3–4

Alma ekar kakeememej Shiblon bwe wāween eo wōt remaron̄ bōk lo̧mo̧o̧r ej kōn Jisōs Kraist. Innem Alma ekar kapilōk ļeo nejin bwe en wōnm̧aanļo̧k im katakin kōn gospel eo.

Alma 38:9–10

Ļeo nejin Alma etan Koriantōn ekar jab kōjparok kien ko. Ekar jab juon mijenede em̧ool ke ej katakin Rizoram ro.

Alma 39:2–3

Kōn ta eo Koriantōn ekar kōm̧m̧ane, Rizoram ro rekar jab tōmak katak ko an Alma.

Alma 39:11

Alma ekar jiron̄ Koriantōn bwe armej ro rejjab maron̄ no̧o̧j jerawiwi ko aer jān Anij im bwe Koriantōn ej aikuj ukweļo̧k.

Alma 39:8–9

Alma ekar katakin ļeo nejin bwe aolep armej renaaj bar jerkakpeje ak ro wōt raar mour jim̧we renaaj mour ippān Anij.

Alma 40:9–10, 25–26

Mour in ej iien n̄an armej bwe ren ukweļo̧k im jerbal n̄an Anij, Alma ekar ba.

Alma 42:4

Kar kakeememej Koriantōn ke em̧ōj kūr e bwe en juon mijenede, Alma ekar ba n̄an e bwe en bar jepļaak n̄an ippān Rizoram ro im katakin er bwe ren ukweļo̧k.

Alma 42:31

Alma im ļōmaro nejin rekar wōnm̧aanļo̧k wōt im katakin kōn gospel eo. Rekar katakin jān kajoor eo an priesthood.

Alma 43:1–2