Jebta 24

Ammōn ej Ioon Jemān Kiin̄ Lamonai

Kiin̄ Lamonai ekar kōņaan bwe en bōk Ammōn bwe en ioon jemān. Irooj ekar kakkōļ Ammōn bwe en jab etal kōnke jemān Lamonai ekar kajeon̄ m̧an e.

Alma 20:1–2

Irooj ekar jiron̄ Ammōn bwe en etal n̄an āne Middonai, ijo ļeo jatin Aron ekar pad ilo kalbuuj. Kiin̄ Lamonai ekar etal ippān Ammōn.

Alma 20:2–4

Ilo iaļ eo aer ļo̧k rekar ioon jemān Kiin̄ Lamonai, eo ekar kiin̄ n̄an aolepān āne eo. Ekar kajjitōkin Lamonai ia eo ej etal ie ļo̧k ippān juon Rinipai eriab.

Alma 20:8, 10

Kiin̄ Lamonai ekar ba n̄an jemān kōn Ammōn im ļeo jatin eo ekar pād ilo kalbuuj. Jemān Kiin̄ Lamonai ekar illu im ekar ba Lamonai en m̧an Ammōn im jab etal n̄an Middonai.

Alma 20:11–14

Lamonai ekar makoko in m̧an Ammōn im ekar ba e im Ammōn rej itōn kadiwōj Aron jān kalbuuj. Jemān Lamonai ekar ļapļo̧k an illu im kotak jāje eo an bwe en m̧an Lamonai.

Alma 20:15–16

Ammōn ekar kām̧aanļo̧k im lo̧mo̧o̧ren Lamonai. Innem jemān Lamonai ekar kajeon̄ m̧an Ammōn, ak ekar jojomare e make im kakinejnej pein jemān Lamonai.

Alma 20:17, 20

Ke jemān Lamonai ekar lo bwe Ammōn emaron̄ kar m̧an e, ekar leļo̧k n̄an Ammōn jimettan in laļ ko an eļan̄n̄e eban bōk mour eo an.

Alma 20:21, 23

Ammōn ekar ba ekar kōņaan bwe Aron im kampānien ro an ren rōļo̧k jān kalbuuj im rekar kōņaan bwe Lamonai en dāpij wōt aelōn̄ in kiin̄ eo an.

Alma 20:22, 24

Jemān Lamonai ekar kile bwe Ammōn ekar jab kōņaan kōmetak e. Ekar bwilōn̄ kōn jon̄an an Ammōn kar iakwe ļeo nejin. Ekar karuwaineneik Ammōn n̄an katakin e kōn gospel eo.

Alma 20:26–27

Ammōn im Kiin̄ Lamonai rekar etal n̄an Middonai. Lamonai ekar kōnono ippān kiin̄ eo ijeņ, im Aron im kampānien ro an rekar diwōj jān kalbuuj.

Alma 20:28

Ammōn ekar buromōj in lo jon̄an an nana aer kar kōm̧m̧an n̄an er. Rekar en̄taan eļap ak rekar kijenmej.

Alma 20:29