Jebta 48: Aenom̧m̧an ilo Amedka

Ālkin an Jisōs kar bar jepļaak n̄an lan̄, rikaļoor ro an raar kajutak Kabun̄ eo An ilo aolepān āneo.

4 Nipai 1:1

Armej ro raar ukweļo̧k jen jerawiwi ko aer raar peptaij im bōk Jetōb Kwojarjar.

4 Nipai 1:1

Ejjab to aolep Rinipai ro im Rileman ro raar oktak. Raar jab iakwelel im aolep raar mool.

4 Nipai 1:2

Ejjeļo̧k juon eaar m̧weie ak jeram̧ōl. Armej ro raar ajej aolep men, im raar aolep wōr men ko raar aikuj.

4 Nipai 1:3

Rikaļoor ro raar kōm̧m̧an elōn̄ mennin kabūlōn̄lōn̄ ko ilo etan Jisōs Kraist. Raar kōmour rinan̄inmej im korooltok ro rimej n̄an mour.

4 Nipai 1:5

Armej ro raar kalōk jikin ko rekāāl ijo jet iaar raar kakkuri.

4 Nipai 1:7

Raar pokake kien ko an Anij. Raar jitlo̧k im jar im kweilo̧k emakijkij ippān doon n̄an ron̄jake naan ko an Anij

4 Nipai 1:12

Armej ro rekar m̧ōņōņō.

4 Nipai 1:16

Ekar ejjeļo̧k rikoot ro, ejeļo̧k ririab ro, ejjab ruroor. Ekar jako an armej ro jepeļļo̧k n̄an Rinipai ro im Rileman ro bōtaab raar aolep juon wōt, ajri ro nejin Kraist.

4 Nipai 1:16–17

Irooj eaar kōjeraam̧m̧an armej ro ilo aolep men raar kōm̧m̧an.

4 Nipai 1:18

Raar jokwe ilo aenom̧m̧an ium̧win 200 iiō ko. Armej ro rej erom̧ lukkuun in m̧weie.

4 Nipai 1:22–23