Jebta 35

Kapen Moronai im Peoran

Kapen Moronai ekar m̧ōņōņō in ron̄ ke Hilamōn im jarin tariņae eo an rekar bar bōk elōn̄ iaan ānen ko āneen Rinipai ro jān Rileman ro.

Alma 59:1

Ak Hilamōn im jarin tariņae eo an rekar aikuj jipan̄. Ekar jabwe aer ritariņae n̄an jojomare elōn̄ jikin ko.

Alma 58:32

Kapen Moronai ekar je juon leta n̄an Pāoron, riekajet eo eutiej im kōpņa eo. Ekar kajjitōk ippān Pāoron n̄an jilkinļo̧k elōn̄ ritariņae ro n̄an jipan̄ jarin tariņae eo an Hilamōn.

Alma 59:3

Rileman ro rekar kakkure juon jikin an Rinipai ro me Hilamōn ekar bar bōke. Rekar m̧an elōn̄ Rinipai ro im likwarkware aolepāer jān jikin eo.

Alma 59:5–8

Ellu ippān ritōl ro an kien eo kōnke rekar jab jilkinļo̧k jipan̄, Moronai ekar je bar juon leta n̄an Pāoron.

Alma 59:13; 60:1

Kapen Moronai ekar je bwe elōn̄ armej ro ekar m̧ōj m̧an er kōnke Pāoron ekar jab jilkinļo̧k elōn̄ļo̧k ritariņae ro.

Alma 60:5

Eļan̄n̄e Pāoron ekar jab m̧ōkaj in jilkinļo̧k em̧m̧aan ro im m̧ōn̄ā ko, Moronai enaaj kar bōk jarin tariņae eo an n̄an Zaraemla im bōk ta eo jarin tariņae eo an eaar aikuji.

Alma 60:34–35

Ejjab to Moronai ekar bōk leta jān Pāoron. Ekar lukkuun būromōj bwe Moronai im ritariņae ko an rekar en̄taan.

Alma 61:1–2

Pāoron ekar jiron̄ Moronai bwe juon kumi in Rinipai ro renana rekar ņa etaer rijepiaan kiin̄ rekar jab kōņaan bwe en erom juon riekajet eutiej. Rekar kipel e im rijipan̄ ro an bwe ren diwōjļo̧k jān Zaraemla.

Alma 61:3–5

Pāoron ekar bar ba bwe ekar aiin juon jarin tariņae n̄an kajeon̄ bar bōk Zaraemla.

Alma 61:6–7

Rijepiaan kiin̄ ro rekar kāālōt juon kiin̄ bwe en aer ritōl im ekar kobaļo̧k ippān Rileman ro.

Alma 61:8

Pāoron ekar jab illu ippān Moronai kōn ta eo ekar je. Ekar kōņaan bwe Rinipai ro ren bar anemkwōj.

Alma 61:9

Ekar kajjitōk ippān Moronai bwe en bōktok jejjo em̧m̧aan ro n̄an jipan̄ e im ekar ba bwe eļan̄n̄e Moronai enaaj bar kobaitok elōn̄ļo̧k em̧m̧aan ro ilo iaļ eo aer ļo̧k, koba in jarin tariņae eo emaron̄ bar karooltok Zaraemla.

Alma 61:15–18

Kapen Moronai ekar m̧ōņōņō bwe Pāoron ekar kautiej wōt aelōn̄ eo an im ekar kōņaan wōt bwe armej ro an ren anemkwoj.

Alma 62:1

Kōn jejjo wōt iaan em̧m̧aan ro an, Moronai ekar etal n̄an ioon Pāoron. Ekar ineek taitōļ in anekwoj eo, im taujin em̧m̧aan ro rekar kobaļo̧k ilo iaļ eo ļo̧k.

Alma 62:3–5

Kobain ritariņae ro an Moronai im Pāoron rekar maaj n̄an Zaraemla. Rekar m̧an kiin̄ eo an RiNnpai ro renana im kar jibwe em̧m̧aan ro an.

Alma 62:7–8

Innem Moronai ekar jilkinļo̧k m̧ōn̄a im 12,000 ritariņae ro n̄an jipan̄ ritariņae ro an Rinipai. Ritariņae ro rekar likwarkware Rileman ro, im ekar bar wōr aeņōm̧m̧an ilo āne eo.

Alma 62:12–13, 38–42