Jebta 8

Kijoone Lom̧aļo eo

Irooj ekar ba n̄an Liai bwen bōk baam̧le eo an n̄an wa eo me rekar jeke. Rekar kobrak e kōn leen wōjke, jālele, im honey im ine ko n̄an katōki ilo āneen kallim̧ur.

1 Nipai 18:5–6

Kōto ko rekajoor rekar uuk m̧aanļo̧k wa eo n̄an āneen kallim̧ur.

1 Nipai 18:8

Leman, Lemuel, im jet iaan ro jet rekar jino nanaļo̧k. Ke Nipai ekar ba n̄an er bwe ren bojrak, rekar illu im lukwōj e kōn to ko.

1 Nipai 18:9–11

Kōn nana ko aer, Liaona eo ekar bojrak an jerbal. Rekar jab jeļā ia ren kajebwābweikļo̧k wa eo ie ļo̧k. Juon ļan̄ ekajoor ekar uuk wa eo likļo̧k ium̧win jilu raan ko.

1 Nipai 18:12–13

Liai ekar akweļap n̄an Leman im Lemuel n̄an mijaļ to ko jān Nipai, ak rekar jab ron̄jake. Liai im Saraia rekar lukkuun illu jon̄an raar jino nan̄inmej.

1 Nipai 18:17

Kōrā eo pāleen Nipai im ajri ro nejierro rekar jan̄. Rekar akweļap n̄an Leman im Lemuel bwe ren mijaļ to ko jān Nipai, ak rekar makoko.

1 Nipai 18:19

Ilo raan eo kein kemen ļan̄ eo ekar kanooj nanaļo̧k wōt. Wa eo enan̄in douj.

1 Nipai 18:14–15

Leman im Lemuel rekar jeļā bwe Anij ekar jilkintok ļan̄ eo. Raar mijak n̄e ren kar maļon̄.

1 Nipai 18:15

Āliktata Leman im Lemuel rekar ukweļo̧k im mijaļ Nipai. Men̄e pā ko pein im en̄kōļ ko rekar kanooj ebbōj im metak jān to ko, Nipai ekar jab ellotaan.

1 Nipai 18:15–16

Nipai ekar jibwe lōn̄tak Liaona eo, im ekar bar jino an jerbal. Nipai ekar jar, im kōto ko rekar bōjrak. Lo̧jet ekar jino lur.

1 Nipai 18:21

Nipai ekar kōjebwebweik wa eo, im ekar bar jino an jerak n̄an āneen kallim̧ur.

1 Nipai 18:22