Jebta 7
Jek juon Wa
Ālkin an baam̧le eo an Liai kar jokwe itererein lo̧jet ium̧win elōn̄ raan ko, Irooj ekar kōnono n̄an Nipai. Ekar ba n̄an e n̄an jek juon wa n̄an bōk baam̧le eo an n̄an āneen kallim̧ur.
Nipai ekar jab jeļā kilen jek juon wa, ak Irooj ekar ba enaaj kwaļo̧k n̄an e. Ekar ba n̄an Nipai ijo emaron̄ ello māāl n̄an kōm̧m̧ani kein jerbal ko me enaaj kar aikuji.
Leman im Lemuel rekar kajirere kōn Nipai kōn an kōņaan jek juon wa. Rekar jab tōmak ke Irooj ekar kwaļo̧k n̄an Nipai kilen kōm̧m̧ane. Rekar makoko in jipan̄.
Nipai ekar ba n̄an Leman im Lemuel bwe ren ukweļo̧k im jab jum̧ae. Ekar kakeememej er ke rekar lo juon enjeļ. Ekar barāinwōt ba n̄an er ke Anij ewōr an kajoor n̄an kōm̧m̧an aolep men.
Leman im Lemuel rekar illu ippān Nipai im rekar kōņaan joļo̧k e n̄an lo̧jet.
Ke rej epaakeļo̧k Nipai, ekar kakien er bwe ren jab jibwe e kōnke ekar eobrak kōn kajoor an Anij. Leman im Lemuel rekar mijak ium̧win elōn̄ raan ko.
Innem Irooj ekar ba n̄an Nipai bwe en jibwe Leman im Lemuel. Ke Nipai ekar jibwe er, Irooj ekar kawūdiddid er. Leman im Lemuel rekar jeļā bwe kajoor an Anij ekar pād ippān Nipai.
Nipai ekar ba n̄an Leman im Lemuel bwe ren pokake ro jineer im jemeer im pokake Anij. Nipai ekar ba eļan̄n̄e renaaj kōm̧m̧an āindein, renaaj jeram̧m̧an.
Leman im Lemuel rekar ukweļo̧k im jipan̄ Nipai jek wa eo.
Nipai ekar etal n̄an toļ eo elōn̄ alen n̄an jar im kajjitōk kōn jipan̄. Irooj ekar katakin e kilen an jek wa eo.
Ke Nipai im ļōm̧aro jein rekar kadedeikļo̧k aer jek wa eo, rekar jeļā ke ej juon wa em̧m̧an. Rekar kam̧m̧oolol Anij kōn an kar jipan̄ er.