Jebta 31

Kapen Moronai ej Anjo̧ Ioon Zeraemna

Zaraemna, ritōl eo an Rileman ro, ekar kōņaan bwe armej ro an ren dike wōt Rinipai ro im kōm̧m̧an bwe ren aer rikamakoko.

Alma 43:5, 8

Rinipai ro rekar kōņaan dāpij wōt anemkwoj eo an āne eo āneer im baam̧le ko aer. Rekar barāinwōt kōņaan bwe ren anemkwoj n̄an kabun̄ jar n̄an Anij.

Alma 43:9

Kapen Moronai ekar juon ritōl n̄an jarin tariņae ko an Rinipai. Ke Rileman ro rekar itok n̄an tariņae, Moronai im ritariņae ro an rekar ioon er ilo āneen Jerson.

Alma 43:15–16

Kapen Moronai ekar kōpooj jarin taiņae eo an kōn kein tariņae, kein tōrak ko, nuknuk in tariņae ko, im nuknuk in tariņae ko remijel.

Alma 43:18–19

Rileman ro ekar wōr juon aer jarin tariņae eļapļo̧k ak rekar mijak ke rej loe nuknuk in tariņae ko an Rinipai ro—kar jet wōt an Rileman ro nuknuk raar kaņōki.

Alma 43:20–21

Jarin tariņae eo an Rileman ro rekar kōņaan kajeon̄ tariņae ippān jarin tariņae eo an Kapen Moronai. Rileman ro rekar ko n̄an āne jamaden im rekar kāālōt bwe ren kakkure jikin ko jet an Rinipai.

Alma 43:22

Moronai ekar jilkinļo̧k riaron̄ron̄ ro bwe ren waatetok Rileman ro. Ekar barāinwōt kajjitōk ippān Alma bwe en jar n̄an Irooj kōn jipan̄. Irooj ekar kwaļo̧k n̄an Alma ijo Rileman ro renaaj kakkure.

Alma 43:23–24

Ke Moronai ekar bōk ennaan eo an Alma, ekar likūt jet ritariņae n̄an waje Jerson im rekar kamaaje aolepāer bwe ren tin jelm̧ae Rileman ro.

Alma 43:25

Ritariņae ro an Kapen Moronai rekar kitileek ilo rejet ko ruo ilo reba Sidon, kōttar bwe ren aujiidi jarin tariņae eo an Rileman ro.

Alma 43:27, 31–35

Ke ej jino pata eo, im Rileman ro rekar kajjieon̄ ko ilo aer kijoone reba eo, ak elōn̄ Rinipai rekar kōttar er ilo rejet eo juon.

Alma 43:36, 39–41

Kar tariņae eļapļo̧k jān kar m̧okta, Zeraemna im jarin tariņae eo an rekar m̧an elōn̄ Rinipai ro. Rinipai ro rekar jan̄ n̄an Irooj im kajjitōk jipan̄.

Alma 43:43–44, 49

Irooj ekar kōkajoor jarin tariņae eo an Rinipai. Jarin tariņae eo ej jepooļe Rileman ro, im Moronai ekar ba bwe en pōjrak aer tariņae.

Alma 43:50, 52–54

Moronai ekar ba n̄an Zeraemna bwe Rinipai ro rekar jab kōņaan m̧an Rileman ro ak kōm̧m̧an bwe ren aer rikamakoko.

Alma 44:1–3

Moronai eaar ba n̄an Rileman ro ren jab kakkure tōmak eo an Rinipai ro ilo Jisōs Kraist. Ekar ba bwe Anij enaaj wōnmaanļo̧k wōt im jipan̄ Rinipai ro toon wōt aer tiljek.

Alma 44:4

Moronai ekar kakien Zeraemna bwe en joļo̧k kein tariņae ko an. Rileman ro reban mej eļan̄n̄e rej kallim̧ur bwe rejamin bar tariņaeik Rinipai ro.

Alma 44:5–6

Zeraemna ekar leļo̧k kein tariņae ko an n̄an Moronai ak ekar jab kallim̧ur rejamin bar tariņae. Moronai ekar bar karoolļo̧k kein tariņae ko bwe Rileman ro ren maron̄ kar jojomare er make.

Alma 44:8, 10

Zeraemna ekar kaiur bwe en m̧an Moronai, ak juon ritariņae an Rinipai ekar kūttileek im no̧ jāje eo an Zeraemna.

Alma 44:12

Innem ritariņae eo ekar mwōjit teeļ eo an Zeraemna, likūt ilo bōran jāje eo, im kotak lōn̄ļo̧k n̄an lōn̄.

Alma 44:12–13

Rileman ro renaaj kar okjak n̄e teeļ eo enkar wōtļo̧k, ekar jiron̄ er, m̧ae iien rejoļo̧k kein tariņae ko aer im kallim̧ur bwer rejamin bar tariņae.

Alma 44:14

Elōn̄ Rileman ro rekar likūt kein tariņae ko aer ilo neen Moronai im rekar kallim̧ur bwe rejamin bar tariņae. Rekar kōļo̧k er bwe ren anemkwoj ilo aer jepļaak.

Alma 44:15

Nana eo, Zeraemna ekar bar kalluiki jet iaan ritariņae bwe ren tariņae. Ritariņae ro an Moronai rekar m̧an elōn̄ iaer.

Alma 44:16–18

Ke Zeraemna ekar lo bwe e im aolep em̧m̧aan ro an renaaj mej, ekar akweļap n̄an Moronai bwe en jab m̧an er. Ekar kallim̧ur bwe ejamin bar tariņaeik RiNipai ro.

Alma 44:19

Moronai ekar kōpōjrak tariņae eo im ekar bōk kein tariņae ko an Rileman ro. Ālkin aer kar kallim̧ur bwe rejamin bar tariņae, Rileman ro rekar ilo̧k.

Alma 44:20, 23