Jebta 26

Armej ro an Ammōn

Ļōmaro nejin Mosaia rekar katakin kōn gospel n̄an Rileman. Taujin Rileman ro rekar ukweļo̧k im rekar kobalo̧k ilo Kabun̄ eo.

Alma 23:4–5

Rileman ro rekar kobaļo̧k ilo Kabun̄ eo im rekar ņa etaer Antai-Nipai-Liai, ak armej ro an Ammōn. Rekar armej ro rem̧m̧an, im armej niknik.

Alma 23:17–18; 27:26

Rileman ro me rekar jab ukweļo̧k rekar illu ippān armej ro an Ammōn im rekar kōpopo n̄an taiņaeiki er.

Alma 24:1–2

Armej ro an Ammōn rekar jeļā bwe Rileman ro renana renaaj kar itok im m̧an er ak rekar kāālōt bwe ren jab tariņae. Rekar ukweļo̧k jān aer m̧anm̧an.

Alma 24:5–6

Rekar kalbwin kein tariņae ko aer im rekar kallim̧ur n̄an Anij bwe rejamin bar m̧anm̧an.

Alma 24:17–18

Ke Rileman ro renana rekar itok im kar jino m̧an er, rekar bun̄ badikdik ioon bwidej im kar jar.

Alma 24:21

Ke rej lo bwe armej in Ammōn ro rekar jab tariņae ņae er, elōn̄ iaan Rileman ro renana rekar bōjrak jān aer m̧an er.

Alma 24:23–24

Rileman ro rekar buromōj bwe rekar m̧anm̧an. Rekar juļo̧k n̄an laļ kein tariņae ko aer im kobaļo̧k ippān armej ro an Ammōn. Rekar jab bar tariņae n̄an jidik.

Alma 24:24–27

Elōn̄ Rileman ro rekar itok bwe ren m̧an armej ro an Ammōn. Rekar jab kōņaan tariņae, im elōn̄ iaer rekar mej.

Alma 27:2–3

Ekar jab kōņaan bwe armej ro an me rejitōnbōro ippān ren mej, Ammōn ekar jar kōn jipan̄. Irooj ekar jiron̄ e bwe en bōk armej ro an im em̧akūt jān āne eo.

Alma 27:4–5, 10–12

Rinipai ro ilo Zaraemla rekar leļo̧k n̄an Ammōn im armej ro an āneen Jerson im kar kōjparok er. Rekar jino m̧ōttaik doon.

Alma 27:22–23