Jebta 38
Mej eo an Riekajet eo Eutiej
Em̧m̧an ro renana raar erom̧ riekajet ro ioon Rinipai ro. Raar kaje armej ro rejjim̧we ak jab armej ro renana.
Nipai eaar būrom̧ōj ke ej loe eļap nana ilubwilijin armej ro.
Juon raan eaar jar ilo tawōr eo ilo jikin kallib eo an. Jikin kallib eo an eaar pād tōrerein ial eo ej tōl n̄an jikin wiakake eo ilo Zarahemla.
armej ro rej itok ilo ial eo tok rej ron̄ an Nipai jar. Juon kurup kar kobatok, kōļmenļo̧kjeņ etke ej būrom̧ōj.
Ke Nipai eaar lo armej ro, eaar jiron̄ er ke eaar būrom̧ōj kōn wōt nana ko aer. Eaar jiron̄ er n̄an ukweļo̧k.
Eaar kakkōl er ke eļan̄n̄e reban ukweļo̧k, rikōjdat ro aer renaaj bōk m̧ōko m̧weer im jikin eo im Irooj eban jipan̄ er tariņaeik rikōjdat ro aer.
Nipai eaar ba Rinipai ro raar nana ļo̧k jān Rileman ro kōnke Rinipai ro kar katakin er kien ko an Anij ak raar jab pokaki.
Eaar ba ke eļan̄n̄e Rinipai ro reban ukweļo̧k, naaj kakure er.
Jet iaan riekajet ro renana raar pād ijo. Rekar kōņaan bwe armej ro ren kaje Nipai kōn an kōnnaan ņae er im kien ko aer.
Jet iaan armej ro raar errā ippān riekajet ro renana. Jet rekar tōmak Nipai, raar jeļā ke eaar juōn rikanaan im kōnono mool eo.
Nipai eaar jiron̄ armej ro ke raar jenolo̧k ņae Anij im ejjab to naaj kaje eļan̄n̄e reban ukweļo̧k.
Nipai eaar jiron̄ armej ro n̄an etal im pukot riekajet eo eutiej aer. Enaaj babu ilo bōtōktōk in make, būratōr eo an eo ekōņaan ijo epād ie eaar m̧ane.
Ļalem em̧m̧aan jān jarlepju eo raar ettōr im lale riekajet eo eutiej. Raar jab tōmak ke Nipai eaar juon rikanaan an Anij.
Ke raar loe Sizoram, riekajet eo eutiej, ej babu ilo bōtōktōk in make, raar waļaļ ļo̧k n̄an laļ ilo leln̄on̄. Kiiō raar jeļā kr Nipai eaar rikanaan an Anij.
Rijerbal ro an Sizoram em̧ōj aer kar loe riekajet eo eutiej im kar ettōr im ba n̄an armej ro. Raar rooltok im loe em̧m̧aan ro ļalem rej babu ijo.
Armej ro raar lōm̧ņak em̧m̧aan ro ļalem raar m̧an Sizoram.
Raar joļo̧k em̧m̧aan ro ļalem ilo kalbuuj im bokļo̧k naan ipeļaakin jikin eo ke riekajet eo eutiej em̧ōj m̧ane im ro raar m̧ane raar pād ilo kalbuuj.
Raan eo tok juon armej ro raar etal n̄an ijo riekajet eo eutiej enaaj kar kallib ie. Riekajet ro raar pād ilo jikin kallib eo an Nipai raar kajjitōk ia eo em̧m̧aan ro ļalem repād ie.
Riekajet ro raar kajjitōk n̄an loe ro kōtmen ke rim̧anm̧an.
Ro kōtmen ke rim̧anm̧an kar em̧m̧aan ro ļalem me raar ettōr jān jikin kallib eo an Nipai n̄an riekajet ro eutiej.
Em̧m̧aan ro ļalem raar ba rekar loe riekajet eo eutiej ej babu ilo bōtōktōk, āinwōt an kar Nipai ba. Innām riekajet ro raar kōtmene ke Nipai eaar jilkintok juon bwe en m̧an Sizoram.
Ilo jeļā ke Nipai eaar juōn rikanaan, em̧m̧aan ro lalem raar akweel ippān riekajet ro, bōtaap rejjab ron̄jake. Raar lukwoj Nipai.
Riekajet ro raar leļo̧k jāān n̄an Nipai im mour eo an eļan̄n̄e enaaj ba eaar kajjieon̄ n̄an m̧an riekajet eo eutiej.
Nipai eaar jiron̄ riekajet ro bwe ren ukweļo̧k jān nana ko aer. Innām eaar jiron̄ er bwe ren etal n̄an ippān Siantōm, būratōr eo an Sizoram.
Nipai eaar jiron̄ er n̄an kajjitōk ippān Siantōm eļan̄n̄e e im Nipai kar kajjieon̄ m̧an Sizoram. Nipai eaar ba Siantōm enaaj ba “jaab.”
Innem riekajet ro ren kar kajjitōk ippān Siantōm eļan̄n̄e eaar m̧an būratōr eo an. Siantōm enaaj bar ba “jaab,” ak riekajet ro renaaj elolo bōtōktōk ilo nuknuk eo an.
Nipai eaar ba Siantōm enaaj wudidid im oktak kōlar im āliktata kwaļo̧k mool ke eaar man būratōr eo an.
Riekajet ro raar etal n̄an m̧weo m̧ōn Siantōm, im aolep men ko Nipai eaar ba raar waļo̧k. Nipai im em̧m̧aan ro ļalem raar anemkwoj.
Ilo an kar armej ro etal jān Nipai, jet raar ba bwe eaar juon rikanaan, jet raar ba eaar juon anij. Nipai eaar rol n̄an m̧weo m̧ōn, būrom̧ōj wōt kōn nana ko aer.