Jebta 37: Nipai im Liai ilo Kalbuuj

Nipai im Liai rej nejin Hilamōn Hilamōn eaar kōņaan bwe ren jim̧we āinwōt Liai im Nipai ro raar em̧akūt jān Jerusalem.

Hilamōn eaar katakin ļōmaro nejin n̄an tōmak ilo Jisōs Kraist. Raar katak bwe jeorļo̧k bōd ej itok kōn tōmak im ukweļo̧k.

Hilamōn 5:9–12

Nipai im Liai raar etal im katakin naan in Anij n̄an Rinipai im Rileman ro. Taujin armej raar peptaij.

Hilamōn 5:14–19

Ke Nipai im Liai raar etal n̄an āneen Nipai, ritariņae in Rileman ro raar jo̧ļo̧k er ilo kalbuuj im jab leļo̧k n̄an er kijieer m̧ōn̄ā iumin elōn̄ raan ko.

Hilamōn 5:20–22

Rileman ro raar etal n̄an kalbuuj eo n̄an man Nipai im Liai bōtaap kar jab maron̄ kōnke kar kōjparok er kōn juon doulul in kijeek me enaaj kar tile jabdewōt eo eaar kajjion̄ jibwe er.

Hilamōn 5:22–23

Nipai im Liai raar jab bwil kōn kijeek eo. Raar jiron̄ Rileman ro ke kajoor an Anij eaar kōjparok er.

Hilamōn 5:24–26

Laļ im dipin kalbuuj eo kar jino em̧akūtkūt. Juon kōdo emarok eaar kabool armej ro ilo kalbuuj, im raar leln̄on̄.

Hilamōn 5:27–28

Juon ainikien jān lōn̄ in marok eo eaar kōnono. Eaar dik ainikien āinwōt unoojdikdik, ak aolep remaron̄ ron̄.

Hilamōn 5:29–30

Ainikien eo eaar jiron̄ armej ro n̄an ukweļo̧k im bōjrak jān aer man Nipai im Liai.

Hilamōn 5:29–30

Ainikien eo eaar kōnono jilu kattōn, im laļ im dipin kalbuuj eo kar wōnmaanļo̧k wōt im em̧akūtkūt. Rileman ro raar jab maron̄ ko kōnke eaar lukkuun marok im raar lukkuun leln̄on̄.

Hilamōn 5:33–34

Juon Rinipai eo eaar uwaan Kabun̄ eo eaar lo ke mejan Nipai im Liai kar ebbōl tok jān marok eo.

Hilamōn 5:35–36

Nipai im Liai raar reilōn̄ļo̧k n̄an lan̄ im kōnono. Em̧m̧aan eo eaar jiron̄ Rileman ro ren reilo̧k Raar ļōm̧ņak wōn eo Nipai im Liai kar kōnono n̄ane.

Hilamōn 5:36–38

Em̧m̧aan eo, eo kar ņaetan Aminadab, kar jiron̄ Rileman ro bwe Nipai im Liai raar kōnono n̄an enjel ro.

Hilamōn 5:39

Rileman ro raar kajjitōk ippān Aminadab ekōjkan n̄an kōm̧m̧an an kōdo eo emarok jako. Eaar jiron̄ļo̧k er n̄an ukweļo̧k im jar m̧ae ewōr aer tōmak ilo Jisōs Kraist.

Hilamōn 5:40–41

Rileman ro raar jar m̧ae eaar jako kōdo eo emarok.

Hilamōn 5:42

Ke marok eo eaar jako, armej ro raar lo juon joor in kijeek ipeļaakier. Kijeek eo eaar jab tile er ak dipin kalbuuj eo.

Hilamōn 5:43–44

Rileman ro raar en̄jake eļap lan̄lōn̄, im Jetōb eo an Anij eaar kobrak būruer.

Hilamōn 5:44–45

Juon ainikien eaar enoojdikdik, ba ke renaaj bōk aenōm̧m̧an kōnke kōn tōmak ko aer ilo Jisōs Kraist.

Hilamōn 5:46–47

Rileman ro raar reilōn̄ļo̧k n̄an lale ia eo ainikien eo eaar itok jāne. Raar lo enjel ro rej wanlaļtak jān lan̄.

Hilamōn 5:48

Emaron̄ 300 armej ro raar loe im ron̄ ta ko kar waļo̧k ilo kalbuuj eo. Raar etal im jiron̄ ro jet.

Hilamōn 5:49–50

Eitōn aolep Rileman ro raar tōmak in juļo̧k kein tariņae ko aer.

Hilamōn 5:50–51

Rileman ro raar bōjrak aer dike Rinipai ro im kōroolļo̧k āneo āneer raar bōke. Rileman ro raar erom̧ ro rerjim̧weļo̧k jān Rinipai ro.

Hilamōn 5:50, 52

Elōn̄ Rileman raar etal ippān Nipai im Liai im kar katakin jim̧or Rinipai im Rileman.

Hilamōn 6:1, 6–7