Jebta 16

Kiin̄ Limai im Armej ro An rej Ko

Rileman ro rekar jibwe elōn̄ Rinipai ro me rekar ko jān Kiin̄ Noa. Rileman ro rekar bōk er im leļo̧k jikier ak rekar kōm̧m̧an bwe en ļap aer kōļļā ewwōj.

Mosaia 19:15

Rinipai ro rekar kōm̧m̧an bwe Limai en aer kiin̄ ekāāl. Limai kar ļeo nejin Kiin̄ Noa, ak ekar jab nana āinwōt jemān. Ekar juon em̧m̧aan em̧m̧an.

Mosaia 19:17, 26

Kiin̄ Limai ekar kajeon̄ kōm̧m̧an aeņōm̧m̧an ippān Rileman ro, ak rekar wōnm̧aanļo̧k wōt im waj e Rinipai ro im nana aer lale er.

Mosaia 19:27–28; 21:3

Juon raan Kiin̄ Limai ekar lo jet iaan ruwamājet ro inamōj in jikin eo. Ekar likūt er ilo kalbuuj. Ruwamājet ro rekar Rinipai ro jān Zaraemla.

Mosaia 21:23–24

Ritōl eo aer ekar etan Ammōn. Kiin̄ Limai ekar m̧ōņōņō in loe. Ekar jeļā bwe Ammōn emaron̄ jipan̄ armej ro an jān Rileman ro.

Mosaia 7:13–15

Kiin̄ Limai ekar kūrtok armej ro an ippān doon. Ekar kakeememej er bwe nana ko aer rekar un eo unin aer kar kalbuuji er jān Rileman ro.

Mosaia 7:17, 20

Ekar jiron̄ armej ro an bwe ren ukweļo̧k, lōke Anij, im pokake kien ko an. Innem Anij enaaj ekar jipan̄ er ko.

Mosaia 7:19, 33

Rinipai ro rekar ekkatak bwe Rileman ro me rekar waje jikin eo ekkā aer kadōk ilo bon̄.

Mosaia 22:6

Bon̄ōn eo Kiin̄ Limai ekar jilkinļo̧k bar jet dānin kadōk n̄an riwaj ro āinwōt jet menin leļo̧k.

Mosaia 22:10

Kiin̄ Limai im armej ro an rekar maron̄ eļļā jān riwaj ro rekadōk im ko

Mosaia 22:11

Ammōn ekar tōl Kiin̄ Limai im armej ro an jān āne jamaden n̄an Zaraemla, ijo me rekar karuwaineneik er.

Mosaia 22:13–14