Jebta 5

Ito Itak ilo Āne JAM̧ADEN

ļaddik ro rej jemjān jemjati rej etetal ilo āne jamaden

Irooj ekar kōņaan bwe ļōmaro nejin Liai en wōr pāleer kōrā ro me renaaj katakin ajri ro nejier gospel eo. Ekar ba n̄an Liai bwe en jilkinļo̧k ļōmaro nejin n̄an Jerusalem bwe ren bōktok baam̧le eo an Ishmael.

1 Nipai 7:1–2

Nipai ej kōnono n̄an Ishmael.

Nipai im ļōm̧aro jein rekar jepļaak n̄an Jerusalem. Rekar ba n̄an Ishmael ta eo Irooj ekar kōņaan bwe en kōm̧m̧ane. Ishmael ekar tōmak er, im e im baam̧le eo an rekar etal ippān ļōmaro nejin Liai.

1 Nipai 7:3–5

Leman im Lemuel rej illu ippān Nipai

Ke rekar ito itak ilo āne jam̧aden, Leman im Lemuel im jet iaan baam̧le eo an Ishmael rekar jino illu. Rekar kōņaan bar ro̧o̧l n̄an Jerusalem.

1 Nipai 7:6–7

Nipai ej kōnono n̄an Leman im Lemuel

Nipai ekar kakeememej Leman im Lemuel kōn aolep men ko Irooj ekar kōm̧m̧ane n̄an er. Ekar ba n̄an er bwe en ļapļo̧k aer tōmak. Rekar illu ippān Nipai ak rekar jab bar ro̧o̧l n̄an Jerusalem.

1 Nephi 7:8–13, 16, 21

Ripālele ro raar mare

Nipai, ļōm̧aro jein, im Zoram tokālik rekar mareik limaro ro nejin Ishmael.

1 Nephi 16:7

Liai ej jibwe Liaona eo

Irooj ekar ba n̄an Liai n̄an kadedeikļo̧k iaļ eo an. Jibbon̄on̄ eo tok juon Liai ekar lo juon ball brass kar ņa etan Liaona inabōj in wōt imōn kōppad eo an. Ekar jitōn̄ļo̧k iaļ eo en ilo̧k ie ļo̧k ilo āne jam̧aden.

1 Nipai 16:9–10

baam̧le eo ej em̧akūt

Baam̧le eo an Liai rekar kōpooj aolep m̧ōn̄ā ko im ine ko im bōki imōn kōppad ko aer. Rekar ito itak ilo āne jam̧aden ium̧win elōn̄ raan ko, ilo aer ļoor tōl eo an Liaona eo.

1 Nipai 16:11–16

kakūdudu

Nipai im ļōm̧aro jein rekar kōjerbal lippo̧ņ ko im m̧ade ko n̄an kakūdudu kijeer ilo aer em̧akūt.

1 Nipai 16:14–15

ebūlo̧k m̧ade eo

Aen in m̧ade in lippo̧ņ eo an Nipai ekar būlo̧k, im lippo̧ņ ko an ļōm̧aro jein rekar jako aer kajoor. Ļōm̧aro jein rekar jab maron̄ m̧an jabdewōt mennin mour ko, kōn menin aolep raar kwōle. Leman im Lemuel rekar illu.

1 Nipai 16:18–21

m̧ade aļaļ eo

Nipai ekar kōm̧m̧ane juon libbo̧ņ aļaļ im ekar kajjitōkin jemen ia eo n̄an etal in kakūdudu ie. Liai ekar bōk tōl jān Liaona eo. Nipai ekar ļoor tōl ko im lo jet menin mour ko.

1 Nipai 16:23, 26, 30–31

Liai ej jibwe Liaona eo

Liaona eo ekar jerbal wōt n̄e baam̧le eo an Liai rej mour jim̧we, tiljek, im pokake.

1 Nipai 16:28–29

Nipai ej jepļaak kōn m̧ōn̄ā

Nipai ej jepļaak kōn menin mour ko me ekar loi. Aolep raar em̧ōņōņō ke ewōr m̧ōn̄ā. Rekar buromōj bwe eto aer kar illu, im rekar kam̧m̧oolol Anij kōn an kōjeram̧m̧an er.

1 Nipai 16:32

Limaro ro nejin Ishmael

Itok itak ekar jab pidodo. Ekkā an baam̧le eo an Liai m̧ōk, kwōle, im maro. Ishmael ekar mej im limaro ro nejin rekar būromōj. Rekar ellotaan ņae Liai.

1 Nipai 16:34–35

Leman im Lemuel

Leman im Lemuel rekar bar ellotaan. Rekar jab tōmak ke Irooj ekar kōnono n̄an Nipai. Rekar kōņaan m̧an Liai im Nipai im jepļaak n̄an Jerusalem.

1 Nipai 16:37–38

Leman im Lemuel

Ainikien Irooj ekar kōnono n̄an Leman im Lemuel. Ekar ba n̄an er bwe ren jab illu ippān Liai im Nipai. Leman im Lemuel rekar ukweļo̧k.

1 Nipai 16:39

baam̧le eo an Liai

Baam̧le eo an Liai rekar wōnm̧aanļo̧k wōt ilo iaļ eo aer epen. Anij ekar jipan̄ er im kōkajoorļo̧k er. Ajri ro raar ļōtak. Liai im Saraia ekar wōr bar ruo nejier ļaddik, kar etaer Jekab im Josep.

1 Nipai 17:1–3; 18:7

baam̧le eo ej em̧akūt

Ālkin aer ito itak ilo āne jam̧aden ium̧win ruwalitōk iiō ko, baam̧le eo an Liai ekar tōpar parijet. Rekar ellolo leen wōjke im honey. Rekar ņa etan jikin in Bun̄-peļo̧k.

1 Nipai 17:4–6