Jebta 9

Juon Kapijuknen Ekāāl ilo Āneen Kallim̧ur

Wa eo ej ektakeļo̧k baam̧le eo an Liai ekar kijooņe lom̧aļo im ļāwōdeļo̧k āneen kallim̧ur eo. Armej ro rej kajutak im̧ōn kōppad ko aer.

1 Nipai 18:23

Rekar kōpooj bwidej eo im kalbwin ine ko me rekar būkitok ippāer.

1 Nipai 18:24

Ke rej ito itak ilo aolepān āne eo ekāāl, rekar ello elōn̄ kain menin mour ko. Rekar barāinwōt elolo gold, jelba, im kōba.

1 Nipai 18:25

Anij ekar ba n̄an Nipai n̄an kōm̧m̧ane pileij metal ko bwen jeje ioon. Nipai ekar jeje kōn baam̧le eo an im aer kar ito itak jān jikin n̄an jikin. Ekar barāinwōt jeje naan ko an Anij.

1 Nipai 19:1, 3

Liai ebwijwūļāļo̧k. M̧okta jān an kar mej ekar kōnono n̄an ļōmaro nejin im ekar ba n̄an er bwe ren pokake kien ko an Anij. Ekar barāinwōt kōjeraam̧m̧an ajri ro jibūn.

2 Nipai 1:14, 16; 4:3–11

Ālkin an Liai kar mej Leman im Lemuel rekar jino illu ippān Nipai im rekar kōņaan m̧an e. Rekar jab kōņaan Nipai, ļeo jatier, bwe en aer ritōl.

2 Nipai 4:13; 5:2–3

Irooj ekar ba n̄an Nipai bwen tōl armej ro rem̧m̧an n̄an āne jam̧aden. Rekar em̧akūt ium̧win elōn̄ raan ko im āliktata rekar bōjrak ilo juon āne rekar ņa etan Nipai.

2 Nipai 5:5–8

Armej ro raar ļoor Nipai rekar pokake Anij. Rekar buuļ jerbal im rekar jeraam̧m̧an. Nipai ekar katakin armej ro an kilen ekkaļ kōn aļaļ im metal. Rekar kaļōk juon tampeļ aibojooj.

2 Nipai 5:10–11, 15–16

Armej ro an Leman im Lemuel kar ņa etaer Rileman ro.

2 Nipai 5:14

Rileman raar jab pokake Anij im raar m̧wijkōk jān im̧aan Mejān. Jetōb eo an Irooj eaar jab maron̄ pād ippāer m̧ae iien rekar ukweļo̧k.

2 Nipai 5:20; Ether 2:15

Rileman ro rekar obrak kōn m̧wil ko renana im ekkā aer ire ippān Rinipai ro.

2 Nipai 5:24, 34