Jebta 33
Rijepiaan Kiin̄ ro ņae Rianemkwoj ro
Jet Rinipai rekar kōņaan bwe riekajet eo eutiej, Pāoron, en ukōti jet iaan kakien ko.
Ke Pāoron ekar makoko, armej ro rekar illu im rekar kōņaan kōm̧akūt Pāoron āinwōt riekajet eo eutiej. Rekar kōņaan juon aer kiin̄, ejjab riekajet ro.
Kar kūr er rijepiaan kiin̄ ro, rekar kōjatdikdik bwe juon iaer enaaj erom kiin̄ im wōr an kajoor ioon armej ro.
Rinipai ro rekar kōņaan dāpij Peoran bwe en riekajet eo eutiej kar ņa etaer rianemkwōj ro. Rekar kōņaan anemkwōj ilo aer mour im kabūn̄ jar ilo aer kāālet.
Armej ro rekar kōm̧m̧an kāālōt ikōtaan rianemkwōj ro im rijepiaan kiin̄ ro. Elōn̄ iaer rekar kāālōt rianemkwōj ro.
Ilo ejja iien eo wōt, Amalikkaia eaar kobaik juon jarin tariņae eļap an Rileman ro n̄an tariņaeik Rinipai ro.
Ke rijepiaan kiin̄ ro rekar ron̄ ke Rileman ro rej itok, rekar m̧ōņōņō im makoko in jojomare laļ eo aer.
Kapen Moronai ekar illu ippān rijepiaan kiin̄ ro kōn aer jab tariņae. Ekar buuļ jerbal n̄an dāpij anemkwōj eo an Rinipai ro.
Ekar kajjitōkin kōpņa kōn kajoor eo n̄an kōm̧m̧an bwe rijepiaan kiin̄ ro ren tariņae ņae Rileman ro ak ren liakeļo̧k er n̄an mej.
Ke Kōpņa, Peoran, ekar leļo̧k n̄an Moronai kajoor in, Moronai ekar tōl jarin tariņae eo an ņae rijepiaan kiin̄ ro.
Elōn̄ rijepiaan ro rekar mej; jet kar likūt er ilo kalbuuj. Aolep rekar errā n̄an jipan̄ jojomare laļ eo aer ņae Rileman ro.