Jebta 3
Liai ej Em̧m̧akūt jān Jerusalem
Irooj ekar bun̄ buruōn ippān Liai im juon bon̄ ekar kōnono n̄an e ilo juon ettōņak. Ekar ba n̄an Liai bwe en bōk baam̧le eo an im em̧m̧akūt jān Jerusalem. Liai ekar pokake Irooj.
Baam̧le eo an Liai rekar kōpooj teak ko im imōn kōppad ko. Rekar em̧m̧akūt jān m̧ōko m̧weer im gold im jelba ko aer im jipadekļo̧k āne jamaden.
Liai im kōrā eo pāleen, Saraia, im ļōmaro emān nejin. Etaer kar Leman, Lemuel, Sam, im Nipai.
Ālkin aer etal ilo iaļ eo aer iumin jilu raan ko, baam̧le eo an Liai rekar jokwe jidik ilo juon kom̧laļ turin juon reba.
Liai ekar kalōk juon lokatok kōm̧m̧an jān dōkā im kōm̧m̧ane juon joortak n̄an Anij. Ekar kam̧m̧oolol Anij kōn an lo̧mo̧o̧ren baam̧le eo an jān kakkure eo.
Liai ekar ņa etan reba eo Leman im jikin eo ekkom̧laļ an Lemuel. Liai ekar kōņaan bwe ļōmaro nejin ren āinwōt reba im kom̧laļ eo, eo ej toorļo̧k wōt n̄an Anij im dim ilo kōjparok kien ko.
Leman im Lemuel rekar ļōmņak jemeer ekar bwebwe ilo an em̧m̧akūt jān Jerusalem im m̧weie ko aer. Rekar jab tōmak bwe naaj kar kakkure Jerusalem.
Nipai ekar kōņaan meļeļe men ko Liai ekar loi. Ekar jar n̄an jeļā eļan̄n̄e jemān ekar kōm̧m̧ane men eo ejim̧we ilo an em̧m̧akūt jān Jerusalem.
Jisōs Kraist ekar loļo̧k Nipai im ekar ba n̄an e bwe naan ko an Liai rem̧ool. Nipai ekar tōmak im ekar jab makoko āinwōt an kar Leman im Lemuel makoko.
Nipai ekar ba n̄an ļōm̧aro jein ta eo Jisōs ekar ba n̄an e. Sam ekar tōmak Nipai, ak Leman im Lemuel rekar jab tōmak.
Irooj ekar kallim̧ur Nipai bwe enaaj kar jeraam̧m̧an kōnke kōn tōmak eo an. Enaaj erom̧ juon ritōl ioon lōm̧aro jein.