Jebta 52
Kakkure eo an Rijared ro
Rijared ro raar lōn̄ļo̧k ilo wōrāer im erom̧ m̧weie. Raar kālōt juon kiin̄ bwe en aer ritōl.
Elōn̄ iiō ko remootļo̧k, im Rijared ro raar erom̧ nana. Irooj ej jilkinļo̧k rikanaan ro n̄an ba n̄an er bwe ren ukweļo̧k n̄e jaab naaj kar kakkure er.
Armej ro raar jab ron̄jake rikanaan ro. Raar kajjieon̄ m̧an er.
Eaar wōr pata ko im n̄ita ko ilo āneo. Elōn̄ Rijared ro raar mej.
Irooj eaar jilkinļo̧k bar juon rikanaan, kar etan Ether. Eaar kwāļo̧k jen jibbon̄ n̄an jota, ba n̄an Rijered ro bwe ren tōmak ilo Anij im ukweļo̧k.
Ether eaar ba n̄an Rijared ro bwe eļan̄n̄e renaaj tōmak ilo Anij, juon raan remaron̄ jokwe ippān Jemedwōj Ilan̄ ilo juon laļ eo em̧m̧anļo̧k.
Ether eaar ba n̄an Rijared ro elōn̄ men ko raorōk, bōtaap raar jab tōmak e. Rekar kōm̧m̧an bwe en em̧m̧akūt jān jikin eo.
Ether eaar kitileekek ilo juon ron̄ ilo raan bwe ren jab m̧an e. Ilo bon̄ ej wōnnamōjļo̧k im loe ta ej waļo̧ n̄an Rijared ro.
Eaar dedeļo̧k an je bwebwenato eo an Rijared ro ilo an kar tileekek.
Irooj eaar jilkinļo̧k Ether n̄an Koriantumur, eo eaar juon kiin̄ eo enana an Rijared ro. Eaar ba en ukweļo̧k ak enaaj kar mour im loe an aolepān armej ro an mej.
Koriantumur im armej ro an raar jab ukweļo̧k. Eaar kajjieon̄ kōm̧m̧an bwe Ether en mej, ak Ether eaar ko im tileekek ilo ron̄ eo.
Armej ro raar lukkuun in nana jon̄an Irooj eaar kaliaik āneo. Raar jab maron̄ do̧o̧r kein jerbal ko aer ak jāje ko aer ilaļ bwe ilo raan eo tok juon men kein remaron̄ kar jako.
Aolep Rijared ro raar irre ilo tariņae ko, ekoba kōrā im ajri ro. Koriantumur eaar tōl juon jar in tariņae im juon em̧m̧aan etan Shiz eaar tōl eo jar eo juon.
Koriantumur im Shiz raar jim̧or em̧m̧aan ro renana. Jetōb Kwojarjar eaar etal jen Rijared ro kōnke kōn nana ko aer. Eaar pād ippān Setan aolep kajoor ioer.
Rijared ro raar irre m̧ae iien eo kar pād wōt Koriantumur im Shiz. Ke Shiz eaar ļōtļo̧k jen an toor eļap bōtōktōkin, Koriantumur eaar jek bōran.
Kanaan eo an Ether eaar kūrmool: Koriantumur ekar Rijared eo aliktata kar mour. Armej in Zarahemla raar lo e.
Ej dedeļo̧k an Ether je bwebwenato ko an Rijared ro. Em̧ōj kakkure er itok wōt jān nana ko aer. Ļo̧o̧k ko an Rijared ro raar loi tokālik jān Rinipai ro.