Kadkad in

N̄an ro rej Riit

Bwebwenato kein ilo Bok in Mormon em̧ōj jei kadede eļaptata n̄an kwe. Bwebwenato ko rekar bōki jān juon bok eo me ekwojarjar kōnke ekar itok jān Jemedwōj Ilan̄. Ilo am̧ riiti bwebwenato kein, keememej bwe rej kōn armej ro raar jukjuk im amņak ilo Amedka etto.

Ālkin am̧ riiti bwebwenato kein ilo bok in, kwonaaj barāinwōt kōņaan riit jān Bok in Mormon. Ium̧win pija ko kajjojo kwonaaj lo ijo me kwomaron̄ lo bwebwenato eo ie ilo Bok in Mormon. Kōtļo̧k bwe jemōm̧, jinōm̧, rūkaki eo am̧, ak eo m̧ōttam en jipan̄ eok.

Eļan̄n̄e kwojjab jeļā ta meļeļein juon naan, lale ilo “Naan ko n̄an Jeļā” jekjōn eo ilo tulikin bok in. Meļeļe ko kōn armej im jikin ko me kar kōnono kaki ilo Bok in Mormon ej barāinwōt pād tulikin bok in.

N̄an ro Jinen im Jemen im Rūkaki ro

Bok in emaron̄ jipan̄ eok katakin jeje ko rekwojarjar. Kwaļo̧k naan in kam̧ool eo am̧ kōn Bok in Mormon, im rōjan̄ ro kwoj katakin er n̄an kappukōt naan in kam̧ool eo aer make. Meļeļe eo aer make enaaj eddōkļo̧k ilo am̧ riiti aolep naan ko ilo bwebwenato kein me em̧m̧an tata ippāer jān Bok in Mormon eo make.