Jebta 32
Kapen Moronai im Taitōļ in Anemkwōj eo
Eļan̄n̄e Amalikkaia ekar erom kiin̄, enaaj kajjieon̄ kakkure Kabun̄ eo an Anij im anemkwōj eo an armej ro.
Ke Kapen Moronai, ritōl eo an jarin tariņae eo an Rinipai ro, ekar ron̄ pepe eo an Amalikkaia n̄an erom kiin̄, ekar illu.
Moronai ekar potake kopā eo an n̄an kōm̧m̧an juon būļāāk. Ioon būlaak eo ekar je juon enaan n̄an kakeememej armej ro bwe ren jojomare kabun̄ eo aer, anemkwōj, im aeņōm̧m̧an.
Moronai ej likūt būļāāk eo ilo alal eo im ņa etan taitōl in anemkwōj. Innem ekar kaņōk nuknuk in tariņae ko an, ekar bukwelōlō im jar.
Ekar kajjitōk ippān Anij n̄an kōjparok ro me rej tōmak ilo Jisōs Kraist im kar jar kōn anemkwōj ilo āne eo, ņa etan āneen anemkwōj.
Moronai ekar etal ilubwiljin armej ro. Kajopelpele taitōļ in anemkwōj, ekar kūr er n̄an itok im jipan̄ kōjparok anemkwōj ko aer.
Armej rekar itok jān aolepān āne eo. Rekar kallim̧ur n̄an pokake kien ko an Anij im n̄an tariņae kōn anemkwōj.
Ke Amalikkaia ekar lo jon̄an an lōn̄ Rinipai ro rekar kobaļo̧k ippān Moronai, ekar mijak. E im ro rikaļooran rekar etal im kobaļo̧k ippān Rileman ro.
Moronai im jarin tariņae eo an rekar kajeon̄ kōbōjrak er, ak Amalikkaia im jet iaan em̧m̧aan ro rekar ko.
Moronai ekar likūt taitōļ in anemkwōj ioon aolep tawōr ko ilo āneen Rinipai ro. Rinipai ro rekar dāpij wōt anemkwōj eo aer im ekar bar wōr aenōm̧m̧an.