Jebta 22
Mijen eo an Alma n̄an Ammonaia
Alma ekar katakin kōn gospel ilo aolepān āne eo. Ke ekar kajeon̄ kwaļo̧k naan ilo Ammonaia, armej ro rekar jab ron̄jake. Rekar kadiwōjļo̧k jān jikin eo.
Alma ekar būromōj bwe armej in Ammonaia rekar lukkuun nana. Ekar em̧akūt bwe en etal n̄an bar juon jikin.
Juon enjeļ ekar waļo̧k im kaeņōm̧m̧an Alma. Enjeļ eo ekar jiron̄ e bwe en rool n̄an Ammonaia im bar kwaļo̧k naan ie. Alma ekar m̧ōkaj in rool.
Alma ekar kwōle. Ke ekar deļo̧n̄eļo̧k jikin eo, ekar kajjitōk kijen ippān juon em̧m̧aan. Juon enjeļ ekar jiron̄ em̧m̧aan eo bwe Alma enaaj itok im bwe Alma ekar juon rikanaan an Anij.
Em̧m̧aan in, Amulek, ekar bōk Alma n̄an m̧weo imōn im naajdik e. Alma ekar pād ippān Amulek im baam̧le eo an iumin elōn̄ raan ko. Ekar kam̧m̧oolol Anij kōn baam̧le eo an Amulek im ekar kōjeraam̧m̧an er.
Alma ekar jiron̄ Amulek kōn kūr eo an n̄an katakin armej ro ilo Ammonaia. Amulek ekar etal ippān Alma n̄an katakin armej ro. Jetōb Kwojarjar ekar jipan̄ er.
Alma ekar jiron̄ armej ro bwe ren ukweļo̧k n̄e jaab Anij enaaj kakkure er. Ekar ba Jisōs Kraist enaaj itok im lo̧mo̧o̧ren ro me ewōr aer tōmak ilo e im rej ukweļo̧k.
Armej ro ilo Ammonaia rekar illu. Rekar kajeon joļo̧k e n̄an kalbuuj, ak Irooj ekar lo̧mo̧o̧ren e.
Innem Amulek ekar jino an katakin. Elōn̄ armej rekar jeļā kajjien Amulek; ekar jab juon ruwamājet āinwōt kar Alma. Ekar jiron̄ er kōn enjeļ eo ekar loe.
Amulek ekar ba Alma ekar juon rikanaan an Anij im ekar kōnono m̧ool eo. Armej ro rekar ilbōk ke rej ron̄ naan in kam̧ool eo an Amulek.
Jet iaan armej ro rekar illu, eļaptata juon em̧maan enana etan Sizoram. Rekar kajjieon̄ aujidi Amulek kōn kajjitōk, ak ekar ba n̄an er bwe ejeļā ta kōttōbar eo aer.
Sizoram ekar kōņaan bwe en kakkure aolep men ko me rem̧m̧an. Ekar kōm̧m̧an eļap jorreen ko, innem armej ro rekōn kōļļāik e kōn jāān n̄an ņa mejļan nana ko ekar kōm̧m̧ani.
Sizoram ekar jab aujidik Amulek, ak ekar leļo̧k n̄an e jāān bwe en kwaļo̧k ke ejjeļo̧k Anij. Amulek ekar jeļā bwe Anij emour im eba Sizoram ebar jeļā ak eļapļo̧k an iakwe jāān jān Anij.
Innem Amulek ekar katakin Sizoram kōn Jisōs im kōn Jerkakpeje eo im mour indeeo. Armej ro rekar bwilōn̄. Sizoram ekar jino an wudiddid kōn mijak.
Sizoram ekar jeļā bwe Alma im Amulek ewōr kajoor in Anij ippāerro kōnke rejeļā ļōmņak ko an. Sizoram ekar kajjitōk kajjitōk ko im ekar ron̄jake an Alma katakin e kōn gospel eo.
Jet armej rekar tōmake Alma im Amulek im rekar ukweļo̧k im ekkatak jān jeje ko rekwojarjar.
Ak elōn̄ wōt iaan armej ro raar kōņaan m̧an Alma im Amulek. Rekar lukwōj em̧m̧aan rein ruo im bōkļo̧k er n̄an riekajet eo.
Sizoram ekar buromōj kōn an kar nana im kōn an kar katakin armej ro riab. Ekar akweļap n̄an armej ro bwe ren kōtļo̧k Alma im Amulek
Rekar kadiwōjļo̧k Sizoram im em̧m̧aan ro jet ro rekar tōmak katak ko an Alma im Amulek jān jikin eo. Armej ro renana rekar kad er kōn dōkā.
Innem armej ro renana rekar kobaik kōrā im ajri ro me rekar tōmak im joļo̧k er, ippānļo̧k jeje ko rekwojarjar, n̄an lowaan juon kijeek.
Rekar kipel Alma im Amulek n̄an lale an kōrā ro im ajri ro mej ilo kijeek eo. Amulek ekar kōņaan bwe en kōjerbal kajoor an Anij n̄an lo̧mo̧o̧ren er.
Ak Alma ekar jiron̄ Amulek bwe eban kōbōjrak m̧anm̧an eo kōnke armej ro remej ejjab to renaaj pād ippān Anij im armej ro renana naaj kaje er.
Riekajet eo ekar jeptake Alma im Amulek elōn̄ kōttan im kajirere kake er kōnke rekar jab lo̧mo̧o̧ren kōrā im ajri ro rebwil. Innem ekar joļo̧k er ilo kalbuuj.
Jet em̧m̧aan nana rekar itok n̄an kalbuuj im kakkure Alma im Amulek ilo elōn̄ wāween ko, ekoba kakwōļeik er im kapiloik er.
Riekajet eo ekar ba eļan̄n̄e Alma im Amulek rej kōjerbal kajoor an Anij n̄an kōtļo̧k er make, enaaj tōmak. Ekar bar jeptak er.
Alma im Amulek rej jutak. Alma ekar jar im kajjitōk ippān Anij n̄an kōkajoor er kōn tōmak eo aer ilo Kraist.
Kajoor an Anij ekar kobrak Alma im Amulek, im rekar tūm̧ to ko me rekar lukwōj er kaki. Em̧m̧aan ro renana rekar jino mijak im kajeon̄ ko ak rekar okjak laļļo̧k.
Laļ ekar makūtkūt, im wōrwōr ko an kalbuuj eo rekar okjak ioon em̧m̧aan ro renana. Irooj ekar lo̧mo̧o̧ren Alma im Amulek, im rekar jab jorreen.
Armej ro ilo Jerusalem raar itok n̄an aer lale ta eo eaar waļo̧k. Ke rej loe Alma im Amulek rej diwōjļo̧k jān kalbuuj eo me erub, rekar jino mijak im ko.
Irooj ekar jiron̄ Alma im Amulek bwe ren etal n̄an Sidon. Ijen rekar lo armej ro rem̧m̧an. Sizoram ekar barāinwōt pād ijeņ im ekar lukkuun nan̄inmej.
Sizoram ekar m̧ōņōņō in lo Alma im Amulek. Ekar inepata bwe ej ļōmņak emōj m̧an er kōn wōt men ko ekar kōm̧m̧ani. Eaar kajjitōk ippāer n̄an kōmouri.
Sizoram ekar tōmak ilo Jisōs Kraist im ekar ukweļo̧k jān jerawiwi ko an. Ke Alma ej jar kōn e, Sizoram ekar kajju mour.
Sizoram ekar peptaij im ekar jino kwaļo̧k gospel eo. Elōn̄ ro jet rekar bar peptaij.
Armej ro rejerawiwi an Ammonia raar aolep mej jān juon jarin tariņae an Rileman, āinwōt an Alma kar kanaan kake.