Jebta 23
Ammōn: Juon Rikarejeran Em̧m̧an
Ļōmaro emān nejin Mosaia rekar etal jān Zaraemla n̄an katakin Rileman ro gospel eo. Er kajjojo rekar etal n̄an jikin ko kajjojo.
Ammōn ekar etal n̄an āneen Ismael. Ke ej deļo̧n̄eļo̧k jikin eo, Rileman ro rekar lukwōje im bōkeļo̧k n̄an Kiin̄ Lamonai.
Ammōn ekar jiron̄ Kiin̄ Lamonai bwe ekar kōņaan bwe ren jokwe ippān Rileman ro. Lamonai ekar m̧ōņōņō im ekar ba em̧m̧aan ro an ren kōrōlļo̧k Ammōn.
Ammōn ekar ba enaaj erom juon iaan ro rikarejeran kiin̄ eo. Kiin̄ eo ekar jilkinļo̧ke bwe en waje mennin mour ko nejin.
Juon raan ke Ammōn im ro jet karejeran rekar ān̄inļo̧k mennin mour ko n̄an keidaak er, riko̧o̧t ro an Rileman rekar kōjepelōklōk mennin mour ko im kajjieon̄ ko̧o̧ti.
Ro rikarejeran ro me rekar pād ippān Ammōn rekar mijak. Kiin̄ Lamoni ekar m̧an rikarejeran ro jet ro raar luuji mennin mour ko n̄an riko̧o̧t rein.
Ammōn ekar jeļā bwe menin ekar juon iien em̧m̧an n̄an kōjerbal kajoor an Irooj n̄an kareel buruōn Rileman ro. Innem remaron̄ rekar ron̄jake katak ko an.
Ammōn ekar jirōn ro rikarejeran bwe eļan̄n̄e renaaj kobaiktok mennin mour ko rejepelōklōk, kiin̄ eo eban m̧an er.
Ammōn im ro jet rikarejeran rej m̧ōkaj in lo mennin mour ko im an̄inļo̧k er n̄an jikin idaak eo.
Riko̧o̧t in Rileman ro rekar bar itok. Ammōn ekar jiron̄ rikarejeran ro jet bwe ren lale mennin mour ko bwe en ire ippān riko̧o̧t ro.
Riko̧o̧t in Rileman ro rekar jab mijake Ammōn. Rekar ļōmņak enkar pidodo aer m̧an e.
Kajoor an Anij ekar pād ippān Ammōn. Ekar no im m̧an jet iaan riko̧o̧t ro kōn dōkā, eo me ekar kōm̧m̧an bwe aolep riko̧o̧t ro ren lukkuun illu.
Rekar kajeon̄ m̧an Ammōn kōn kein den̄den̄ ko aer, ak kajjojo iien juon riko̧o̧t ej kotak juon kein den̄den̄ bwe en m̧an Ammōn, ekar jek pein riko̧o̧t eo. Rekar mijak, im riko̧o̧t ro rekar ko.
Ro rikarejeran rekar bōkļo̧k pe ko em̧ōj jeki n̄an Kiin̄ Lamonai im kar jiron̄ e ta eo Ammōn ekar kōm̧m̧ane.
Kiin̄ eo ekar bwilōn̄ kōn jon̄an kajoor eo an Ammōn. Ekar kōņaan lo Ammōn ak ekar mijak kōnke ekar ļōmņak Ammōn ekar juon Jetōb Eļap.
Ke Ammōn ekar deļo̧n̄ļo̧k im loe, Kiin̄ Lamonai ekar jab jeļā ta eo en ba. Ekar jab kōnono iumin juon awa.
Jetōb Kwojarjar ekar jipan̄ Ammōn jeļā ta eo kiin̄ eo ekar ļōmņake. Ammōn ekar kōmeļeļeiki ke ekar jab juon Jetōb Eļap. Eaar juon armej em̧m̧an.
Kiin̄ eo ekar kōņaan leļo̧k jabdewōt men n̄an Ammōn me ekōņaan eļan̄n̄e enaaj kwaļo̧k n̄an e kajoor ta eo ej kōjerbale n̄an anjo jān riko̧o̧t ro im jeļā ļōmņak eo an kiin̄ eo.
Ammōn ekar ba bwe juon wōt men ekōņaan ej n̄an Kiin̄ Lamonai bwe en tōmak e ta eo enaaj ba. Kiin̄ eo ekar ba ej tōmak jabdewōt men ko Ammōn ej ba n̄an e.
Ammōn ekar kajjitōk ippān Kiin̄ Lamonai eļan̄n̄e ej tōmak ilo Anij. Kiin̄ eo ekar ba ej tōmak ilo Jetōb Eļap.
Ammōn ekar ba bwe Jetōb Eļap ej Anij, eo ekar kōm̧anm̧an aolep men ilo lan̄ im ilo laļ, im ejeļā ta an armej ļōmņak.
Ammōn ekar ba bwe kar kōm̧anm̧an armej ilo nememein wōt Anij. Ekar bar ba bwe Anij ekar kūr e n̄an katakin kōn gospel eo n̄an Lamonai im armej ro an.
Kōjerbal jeje ko rekwojarjar, Ammōn ej katakin Kiin̄ Lamonai kōn Kōm̧anm̧an eo, Adam, im Jisōs Kraist.
Kiin̄ Lamonai ekar tōmak Ammōn im ekar jar bwe en jeorļo̧k jerawiwi ko an. Innem ekar okjak n̄an laļ im ekar āinwōt n̄e emej.
Ro rikarejaran rekar kotakļo̧k kiin̄ eo n̄an lio pāleen im kar kababuiki ioon peet eo. Ālkin juon raan ro rikarejeran rekar ļōmņak emej im rekar kāālōt bwe ren kalbwini.
Lerooj eo ekar jab tōmak ke ļeo pāleen emej. Ke ekar ron̄ kōn kajoor eo eļap an Ammōn, ekar kajjitōk ippan n̄an jipan̄ kiin̄ eo.
Ammōn ekar jeļā ke Lamonai ekar pād iumin kajoor eo an Anij. Ekar jiron̄ lerooj eo ke Lamonai enaaj bar rūj raan eo tok juon.
Lio pāleen ekar pād wōt turin aolepān bon̄ōn eo Raan eo tok juon Lamonai ekar jerkaktok im ba ke ekar lo Jisōs Kraist. Kiin̄ eo im lerooj eo rekar obrak kōn Jetōb Kwōjarjar.
Lamonai ekar katakin armej ro kōn Anij im Jisōs Kraist. Ro me rekar tōmak rekar ukweļo̧k jān jerawiwi ko aer im rekar peptaij.