Jebta 18
Alma eo Edik Ej Ukweļo̧k
Kiin̄ Mosaia ekar kōm̧m̧an bwe Alma en ritōl eo an Kabun̄ eo ilo Zaraemla. Innem Alma ekar kāālōt em̧m̧aan ro jet bwe ren jipan̄ e katakin Rinipai ro.
Alma im Kiin̄ Mosaia rekar inepata kōnke ro rejjab tōmak rekar ken̄taan ro uwaan Kabun̄ eo kōnke kōn tōmak ko aer.
Alma ekar wōr juon nejin ļaddik kar etan Alma. Alma eo Edik ekar jab tōmak katak ko an jemān im ekar jino erom em̧m̧aan nana.
Alma eo Edik im ļōmaro nejin Kiin̄ Mosaia rekar tariņae ņae Kabun̄ eo. Rekar ken̄taan elōn̄ armej ro bwe ren etal jān Kabun̄ eo im erom nana.
Alma ekar jar bwe ļeo nejin en enaaj ekkatak m̧ool eo im ukweļo̧k.
Alma eo Edik im ļōmaro nejin Kiin̄ Mosaia rekar wōnm̧aanļo̧k wōt im kajeon̄ kakkure Kabun̄ eo.
Juon raan juon enjeļ ekar waļo̧k n̄an er. Enjeļ eo ej kōnono ilo juon ainikien ellaaj me ekar kam̧akūtkūt laļ.
Likao ro lalem rekar lukkuun leļn̄o̧n̄ jon̄an rekar okjak laļļo̧k. Kar jinoin rekar jab meļeļe ta eo enjeļ eo ej ba.
Enjeļ eo ekar itok āinwōt uwaak in jar ko an ro uwaan Kabun̄ eo. Enjeļ eo ekar kajjitōk ippān Alma eo Edik etke ekar jumae Kabun̄ eo.
Laļ ekar m̧akūtkūt ke enjeļ eo kar jiron̄ļo̧k Alma eo Edik bwe en bōjrak an kajeon̄ kakkure Kabun̄ eo.
Alma eo Edik im ļōmaro nejin Mosaia raar bar okjak laļļo̧k. Rekar lo juon enjeļ, im rekar jeļā bwe kajoor an Anij ekar kam̧akūtkūt laļ
Alma eo Edik ekar lukkuun bwilōn̄ jon̄an ekar jab maron̄ kōnono. Ekar jino mōjņoļo̧k jon̄an ekar jab maron̄ kōm̧akūt pein.
Ļōmaro nejin Mosaia rej kotakeļo̧k Alma eo Edik n̄an jemān im ekar jiron̄ er kōn aolep men ko rekar waļo̧k n̄an er.
Alma em̧ōņōņō Ekar jeļā bwe Anij ekar uwaake jar ko an.
Alma ekar kūr aolep armej ro ippān doon bwe ren lale ta eo Irooj ekar kōm̧m̧ane n̄an ļeo nejin im ļōmaro nejin Mosaia.
Alma, ippānļo̧k ritōl ro jet an Kabun̄ eo, rekar jitlo̧k im jar im kar kajjitōk ippān Anij n̄an jipan̄ Alma eo Edik bwe en bar bōk kajoor.
Ālkin ruo raan im ruo bon̄, Alma eo Edik ekar maron̄ kōnono im m̧akūtkūt.
Ekar jiron̄ armej ro ke em̧ōj an ukweļo̧k jān jerawiwi ko an im Anij ekar jeorļo̧k an bōd.
Ekar katakin bwe aolep armej rej aikuj mour jim̧we bwe ren deļo̧n̄e aelōn̄ in kiin̄ eo an Anij. Ekar barāinwōt jiron̄ er kōn jon̄an metak eo ekar en̄taan kake kōn wōt jerawiwi ko an.
Alma eo Edik ekar lukkuun m̧ōņōņō kōnke em̧ōj an ukweļo̧k im Anij ekar jeorļo̧k an bōd. Ekar jeļā bwe Anij ej iakwe e.
Alma eo Edik im ļōmaro nejin Kiin̄ Mosaia rekar jino katakin m̧ool eo ipeļaakin āne eo, rej ba n̄an aolep ta eo rekar loe im ron̄.
Rekar kajeon̄ ukōt nana ko me rekar kōm̧m̧ani. Rekar kōmeļeļe kōn jeje ko rekwojarjar n̄an armej ro im katakin er kōn Jisōs Kraist.
Anij ekar kōjeram̧m̧an Alma eo Edik im ļōmaro nejin Mosaia ke raar katakin gospel eo. Elōn̄ armej rekar ron̄jake im tōmak er.