Jebta 18

Alma eo Edik Ej Ukweļo̧k

Alma ej kapit ro jet

Kiin̄ Mosaia ekar kōm̧m̧an bwe Alma en ritōl eo an Kabun̄ eo ilo Zaraemla. Innem Alma ekar kāālōt em̧m̧aan ro jet bwe ren jipan̄ e katakin Rinipai ro.

Mosaia 25:19; 26:8

an ro rej tōmak kar en̄taan

Alma im Kiin̄ Mosaia rekar inepata kōnke ro rejjab tōmak rekar ken̄taan ro uwaan Kabun̄ eo kōnke kōn tōmak ko aer.

Mosaia 27:1

Alma eo Edik

Alma ekar wōr juon nejin ļaddik kar etan Alma. Alma eo Edik ekar jab tōmak katak ko an jemān im ekar jino erom em̧m̧aan nana.

Mosaia 27:8

Alma eo Edik im Ļōmaro nejin Mosaia

Alma eo Edik im ļōmaro nejin Kiin̄ Mosaia rekar tariņae ņae Kabun̄ eo. Rekar ken̄taan elōn̄ armej ro bwe ren etal jān Kabun̄ eo im erom nana.

Mosaia 27:8

Alma ej jar

Alma ekar jar bwe ļeo nejin en enaaj ekkatak m̧ool eo im ukweļo̧k.

Mosaia 27:14

Alma eo Edik im Ļōmaro nejin Mosaia

Alma eo Edik im ļōmaro nejin Kiin̄ Mosaia rekar wōnm̧aanļo̧k wōt im kajeon̄ kakkure Kabun̄ eo.

Mosaia 27:10

enjeļ eo ej waļo̧k n̄an em̧m̧aan ro

Juon raan juon enjeļ ekar waļo̧k n̄an er. Enjeļ eo ej kōnono ilo juon ainikien ellaaj me ekar kam̧akūtkūt laļ.

Mosaia 27:11

an likao ro leļn̄o̧n̄ jān enjeļ eo

Likao ro lalem rekar lukkuun leļn̄o̧n̄ jon̄an rekar okjak laļļo̧k. Kar jinoin rekar jab meļeļe ta eo enjeļ eo ej ba.

Mosaia 27:12

enjeļ eo ej kōnono n̄an Alma eo Edik

Enjeļ eo ekar itok āinwōt uwaak in jar ko an ro uwaan Kabun̄ eo. Enjeļ eo ekar kajjitōk ippān Alma eo Edik etke ekar jumae Kabun̄ eo.

Mosaia 27:13–14

Alma eo Edik

Laļ ekar m̧akūtkūt ke enjeļ eo kar jiron̄ļo̧k Alma eo Edik bwe en bōjrak an kajeon̄ kakkure Kabun̄ eo.

Mosaia 27:15–16

ļaddik ro rej okjak laļlo̧k

Alma eo Edik im ļōmaro nejin Mosaia raar bar okjak laļļo̧k. Rekar lo juon enjeļ, im rekar jeļā bwe kajoor an Anij ekar kam̧akūtkūt laļ

Mosaia 27:18

Alma eo Edik ej babu laļ

Alma eo Edik ekar lukkuun bwilōn̄ jon̄an ekar jab maron̄ kōnono. Ekar jino mōjņoļo̧k jon̄an ekar jab maron̄ kōm̧akūt pein.

Mosaia 27:19

An Alma eo Edik kar kotake

Ļōmaro nejin Mosaia rej kotakeļo̧k Alma eo Edik n̄an jemān im ekar jiron̄ er kōn aolep men ko rekar waļo̧k n̄an er.

Mosaia 27:19–20

Alma ej jar

Alma em̧ōņōņō Ekar jeļā bwe Anij ekar uwaake jar ko an.

Mosaia 27:20

Alma eo Edik ej babu ioon peet eo

Alma ekar kūr aolep armej ro ippān doon bwe ren lale ta eo Irooj ekar kōm̧m̧ane n̄an ļeo nejin im ļōmaro nejin Mosaia.

Mosaia 27:21

Alma ej kōjeraam̧m̧an ļeo nejin

Alma, ippānļo̧k ritōl ro jet an Kabun̄ eo, rekar jitlo̧k im jar im kar kajjitōk ippān Anij n̄an jipan̄ Alma eo Edik bwe en bar bōk kajoor.

Mosaia 27:22

Alma eo Edik ej kōnono n̄an jemān

Ālkin ruo raan im ruo bon̄, Alma eo Edik ekar maron̄ kōnono im m̧akūtkūt.

Mosaia 27:23

Alma eo Edik ej kōnono n̄an ro jet

Ekar jiron̄ armej ro ke em̧ōj an ukweļo̧k jān jerawiwi ko an im Anij ekar jeorļo̧k an bōd.

Mosaia 27:24

Alma eo Edik ej katakin

Ekar katakin bwe aolep armej rej aikuj mour jim̧we bwe ren deļo̧n̄e aelōn̄ in kiin̄ eo an Anij. Ekar barāinwōt jiron̄ er kōn jon̄an metak eo ekar en̄taan kake kōn wōt jerawiwi ko an.

Mosaia 27:25–26, 29

Alma eo Edik

Alma eo Edik ekar lukkuun m̧ōņōņō kōnke em̧ōj an ukweļo̧k im Anij ekar jeorļo̧k an bōd. Ekar jeļā bwe Anij ej iakwe e.

Mosaia 27:28

em̧m̧aan ro rej katakin

Alma eo Edik im ļōmaro nejin Kiin̄ Mosaia rekar jino katakin m̧ool eo ipeļaakin āne eo, rej ba n̄an aolep ta eo rekar loe im ron̄.

Mosaia 27:32

Alma eo Edik ej katakin armej ro

Rekar kajeon̄ ukōt nana ko me rekar kōm̧m̧ani. Rekar kōmeļeļe kōn jeje ko rekwojarjar n̄an armej ro im katakin er kōn Jisōs Kraist.

Mosaia 27:35

Alma eo Edik ej peptaiji ro jet

Anij ekar kōjeram̧m̧an Alma eo Edik im ļōmaro nejin Mosaia ke raar katakin gospel eo. Elōn̄ armej rekar ron̄jake im tōmak er.

Mosaia 27:36