Jebta 20

Alma im Nior

Alma eo Edik im armej ro jet

M̧okta jān an Kiin̄ Mosaia kar mej, Rinipai ro rekar kāālōt jet riekajet ro n̄an tōl er. Alma eo Edik ekar erom riekajet eo aer m̧oktata. Ekar barāinwōt juon ritōl n̄an Kabun̄ eo.

Mosaia 29:41–42

Nior ej katakin kōn katak ko reriab

Juon em̧m̧aan ekilep im kajoor kar etan Nior ekar jino katakin katak ko reriab. Ekar ba aolep armej renaaj bōk lo̧mo̧o̧r jekdoon n̄e rekar em̧m̧an ak nana. Elōn̄ armej rekar tōmak Nior.

Alma 1:2–5

Gideon im Nior

Nior ekar kwaļo̧k naan ņae Kabun̄ eo an Anij, ak juon em̧m̧aan em̧m̧an kar etan Gideon ekar jojomare. Nior ekar akwāāl ippān Gideon, ak Gideon ekar kōnono kōn naan ko an Anij

Alma 1:7–8

Nior ej m̧an Gideon

Nior ekar jino illu im karaj kōn jāje eo an im m̧an Gideon.

Alma 1:9

Aer bōkļo̧k Nior n̄an Alma

Kar bōkļo̧k Nior n̄an Alma bwe en ekajete. Nior ekar peran ilo an jojomare e make.

Alma 1:10–11

Alma im Nior

Ak Alma ekar ba Nior ekar bōd kōnke ekar katakin armej ro bwe ren nana im m̧an Gideon.

Alma 1:12–13

Alma

Alma ekar ba Nior ej aikuj in kar kaje kōn an kar m̧an Gideon. Ekkar n̄an kakien, Nior ej aikuj mej.

Alma 1:14

Nior kar kameje

Nior ekar bōke n̄an juon bat epaak im kar kameje. M̧okta jān an kar mej ekar ba aolep men ko me ekar katakin er kaki rebōd. Ak elōn̄ armej ro rej tōmak katak nana ko an Nior.

Alma 1:15–16

rej kajirere kōn armej ro

Armej rein rekar iakwe m̧weie ko im jab kōņaan pokake kien ko an Anij. Rekar kōm̧m̧an kojak kōn membōr ro ilo Kabun̄ eo im akwāāl ippāer.

Alma 1:16, 19–20, 22

rej kajirere kōn ripālele ro

Armej rein rejim̧we rekar wōnm̧aanļo̧k wōt im pokake kien ko im rekar jab ellotaan jekdoon n̄e rikaļooran Nior rekar kōmetak er.

Alma 1:25

em̧m̧aan ro rej kwaļo̧k

Ro uwaan Kabun̄ eo rej ajeji aolep men ko ewōr ippāer n̄an rijeramōļ ro, im rekar kea kōn ro renan̄inmej. Rekar pokake kien ko, im Anij ekar kōjeraam̧m̧an er.

Alma 1:27, 31