Jebta 49
Mormon im Katak ko An
Elōn̄ iiō ālkin an Jisōs Kraist kar lo̧ļo̧k Rinipai ro, juon kumi jidikdik in armej ro kar etal jān Kabun̄ eo im kar ņaetaer make Rileman.
Āliktata eitōn aolepān armej ro raar erom̧ nana, jimor Rinipai ro im Rileman ro.
Juon em̧m̧aan ejim̧we, Ammaron, kar pād ippan ļo̧o̧k ko rekwojarjar. Jetōb Kwojarjar eo eaar jiron̄ e n̄an ņooji bwe ren pād ilo kōjparok.
Ammaron eaar jiron̄ Mormon, juon ļaddik 10 iiō dettan, ia eo ļo̧o̧k ko kar ņooji ie. Ammaron ekar jeļā emaron̄ kar lōke Mormon.
Ke eaar 24 iiō, Mormon eaar bōk pileij ko an Nipai im jeje ioer kōn armej ro an.
Ke Mormon kar 11 an iiō, juon pata eaar ijjino ikōtaan Rinipai ro im Rileman ro. Rinipai ro raar anjo, im eaar bar wōr aenōm̧m̧an.
Bōtaab Rinipai ro raar lukkuun kanooj nana jon̄an Irooj eaar bōk rikaļoor ro jilu, eo eaar kōjem̧ļo̧k kabūlōn̄lōn̄ ko im kemour ko. Jetōb Kwojarjar eo eaar bōjrak an tōl armej ro.
Ke Mormon eaar 15 an iiō, Jisōs Kraist kar loļo̧k e. Mormon eaar ekkatak kōn Rilo̧mo̧o̧r eo im em̧m̧an eo an.
Mormon eaar kōņaan kwaļo̧k n̄an armej ro, bōtaap Jisōs eaar jiron̄ e bwe en jab kōnke kōn an armej ro raar lukkuun nana. Būruweer raar kōm̧m̧an n̄an jum̧ae Anij.
Ejjab to juon bar pata eaar ijjino. Mormon eaar ineea im kajoor, im Rinipai ro raar kālōte bwe en tōl jar in tariņae eo aer.
Rinipai ro raar tariņaeik Rileman ro ium̧win elōn̄ iiō ko. Mormon eaar kajjieon̄ kōkajoor armej ro an n̄an tariņae kōn baam̧le ko aer im m̧oko m̧weer.
Rinipai ro raar erom̧ lukkuun kanooj nana, men̄e, jon̄an Irooj eaar jab jipan̄ er.
Mormon eaar jiron̄ Rinipai ro bwe naaj kar kōjparok er wōt eļan̄n̄e raar ukweļo̧k im kar peptaij. Bōtaap armej ro raar makoko.
Raar kōmjāje kōn kajoor eo aer, ba ke renaaj kar m̧an aolep Rileman ro. Kōnke kōn nana eo an Rinipai ro, Mormon ekar makoko in tōl er n̄an jidik.
Rileman ro raar anjo ioon Rinipai ro ilo aolep pata. Mormon eaar kālōt n̄an bar tōl jar in tariņae ko an Rinipai ro.
Eaar jeļā ke Rinipai ro renana reban anjo ilo pata eo. Raar jab ukweļo̧k ak jar kōn jipan̄ eo raar aikuji.
Mormon eaar bōk aolep ļo̧o̧k ko jen bat eo Ammaron eaar ņooji ie im kar jeje n̄an armej ro renaaj kar juon raan riiti ļo̧o̧k eo.
Eaar kōņaan bwe aolep, ekoba Riju ro, n̄an jeļā kōn Jisōs Kraist, n̄an ukweļo̧k im peptaij, im n̄an mour kōn gospel eo im jeram̧m̧an.
Jetōb eo eaar im̧we Mormon n̄an door pileij ko reddik an Nipai, ko ekar pad ie naan in kanaan ko kōn itok eo an Kraist, ippān pileij ko an Mormon.
Mormon eaar tōl Rinipai ro n̄an āneen Kumora, ijo raar kōpopo n̄an bar tarinaeik Rileman ro.
Mormon eaar bwijwōļāļo̧k. Eaar jeļā ke enkar pata eo an eliktata in. Eaar jab kōņaan bwe Rileman ro ren lo ļo̧o̧k ko rekwojarjar im kakkuri.
Innem eaar leļo̧k pileij ko an Mormon n̄an ļeo nejin, Moronai, im ņooj pileij ko jet ilo Bat eo Kumora.
Rileman ro raar itok im man aolep ijelo̧kin 24 Rinipai ro. Mormon eaar ikkinejnej.
Mormon eaar būrom̧ōj bwe ekar kanooj lōn̄ Rinipai ro raar mej, bōtaap eaar jeļā bwe raar mej kōn aer kar kōjekdoon Jisōs.
Mormon eaar kajjieon̄ katakin Rinipai ro m̧ool eo. Eaar jiron̄ er jon̄an an aurōk n̄an an wōr tōmak ilo Jisōs Kraist.
Eaar kajjieon̄ n̄an katakin er n̄an bōk kōjatdikdik jān Pinmuur eo an Jisōs Kraist im n̄an wōr iakwe em̧ool, eo ej iakwe eo erreo an Kraist.
Im Mormon eaar je leta ko n̄an ļeo nejin, Moronai, eo eaar bar katakin gospel eo n̄an Rinipai ro.
Mormon eaar jeje kōn lukkuun nana eo an Rinipai ro. Eaar jiron̄ Moronai n̄an tiljek wōt ilo Jisōs Kraist.
Rileman ro raar man Mormon im aolep Rinipai ro ijelokin Moronai, eo eaar dedeļo̧k an jei ļo̧o̧k ko.