Jebta 41
Kōkaļļe ko kōn Ļotak an Kraist
Nipai, ļeo nejin Hiļamōn, eaar leļo̧k ļo̧o̧k ko rekwojarjar im jeje ko rekwojarjar n̄an ļeo erūtto tata nejin, Nipai.
Rinipai ro raar lo kōkaļļe ko reļļap me rikanaan ro raar ba renaaj waļo̧k m̧okta jān lotak eo an Kraist.
Bōtaap jet Rinipai ro raar ba iien ļotak eo an Jisōs em̧ōj an mootļo̧k. Raar kajirere kōn ro raar tōmak wōt kanaan ko an Samuel Rileman eo.
Armej ro raar tōmak ilo Jisōs Kraist im ilo rikanaan raar būrom̧ōj n̄an ļōmņak ke juon men emaron̄ bōbrae kanaan in n̄an an kūrm̧ool.
Armej ro raar kalimjōk ilo tōmak ium̧win juon bon̄ ijelokin marok, eo eaar kōkaļļe eo ke Jisōs Kraist enaaj lotak.
Ro raar jab tōmak ilo Jisōs Kraist kar kāālet juon raan n̄an man ro rej tōmak eļan̄n̄e kōkaļļe eo eban kar waļo̧k.
Nipai eaar būromōj kōn nana ko an ro raar jab tōmak ilo Rilo̧mo̧o̧r eo.
Nipai eaar jar aolep raan kōn armej ro renaaj kar itōn m̧an er.
Irooj eaar kaenōm̧m̧an Nipai im jiron̄ e ke eban marok bon̄ōn eo. Jisōs enaaj lotak raan eo juon ilo Bethlehem.
Bon̄ōn eo eaar tulo̧k aļ, bōtaap eaar jab marok. Kōkaļļe eo kōn ļotak eo an Kraist ekar itok. Armej ro raar būlōn̄.
Ro raar karōk n̄an m̧an ro raar tōmak kar okjak laļļo̧k im waļo̧k ke remej.
Raar mijak kōnke raar nana. Kiiō raar jeļā ke Rilo̧mo̧o̧r eo enaaj ļotak im ke rikanaan ko raar jim̧we.
Eaar meram̧ aolepān bon̄ōn eo. Ke aļ eaar walōn̄tak jibbon̄ōn eo juon, armej ro raar jeļā ke Jisōs enaaj kar ļotak raan eo. Kanaan eo em̧ōj an kūrm̧ool.
Juon iju kāāl eaar waļo̧k ilo ilōn̄ mejatoto, āinwōt an kar rikanaan ro ba enaaj kar.
Setan eaar kajjieon̄ wōt n̄an kōm̧man bwe armej ro ren jab tōmak kōkaļļe ko raar loi, bōtaap eitōn aolep kar tōmak.
Nipai im ritōl ro jet an Kabun̄ kar peptaiji aolep ro raar tōmak im ukweļo̧k.
Eaar wōr naan ekamōnōnō ilo āneo kōnke naan ko an rikanaan ro kar kūrmool. Em̧ōj an Jisōs Kraist ļotak.