Jebta 43
Jisōs Kraist ej Waļo̧k n̄an RiNipai ro
Elōn̄ Rinipai raar kobaļo̧k ilo tam̧peļ eo ilo Bun̄-peļo̧k Raar ļo̧kjenaer kōn oktak ko reļļap ilo āneo.
Armej ro rej kōnaan kōn Jisōs Kraist im kōkaļļe in mej eo an.
Ke raar kōnono, raar ron̄ juon ainikien unoojdikdik jān lan̄. Eaar kōm̧m̧an an bwil ubwōer.
Ilo jinoin rekar jab meļeļe kōn ainikien eo, ak ke eaar kōnaan kein kajilu, raar meļeļe kake.
Ainikien eo ekar ainikien Jemedwōj Ilan̄. Eaar kwaļo̧k kajeen Jisōs Kraist im jiron̄ armej ro n̄an ron̄jake E.
Jisōs Kraist eaar wanļaļtak jān lan̄ im jutak ilubwilijen armej ro. Raar mijak in kōnono kōnke raar jab meļeļe ta eo eaar waļo̧k. Raar ļōmņak Jisōs ej juon enjel.
Eaar jiron̄ er bwe E ekar Jisōs Kraist, eo rikanaan ro kar ba enaaj kar itok.
Jisōs eaar jiron̄ armej ro bwe ren itok im en̄jake jeno̧k ko ilo katūn im ilo pein im neen, ijo kar dilaiki ioon dōbwāāle.
Jisōs eaar kōņaan bwe armej ro ren jeļā bwe e ekar aer Anij im bwe e eaar mej kōn jerawiwi ko aer.
Juon illo̧k juon armej ro raar en̄jake jeno̧k ko ilo kūtin, pā ko pein, im neen Jisōs. Armij ro raar jeļā bwe E eaar Rilo̧mo̧o̧r eo.
Innem armej ro raar nebar Jisōs im wōtļo̧k ioon neen im kabun̄-jar n̄an E.
Jisōs ekar kūr Nipai im bar 11 em̧m̧aan ļo̧k n̄an ippān. Eaar leļo̧k n̄an er kajoor in priesthood im katakin er wāween eo ejim̧we n̄an peptaij.
Eaar jiron̄ Rinipai ro n̄an tōmak ilo E, ukweļo̧k, im kōjparok kien ko. Eļan̄n̄e rejjab, reban maron̄ deļo̧n̄e aelōn̄ in kiin̄ eo An.
Ekar katakin Rinipai ro kilen jar n̄an Jemedwōj Ilan̄. Eaar barāinwōt ba n̄an er kōn jitlo̧k im kar ba renaaj kar maron̄ jeorļo̧k aer bwōd eļan̄n̄e rej jeorļo̧k an doon bōd.
Ālkin katakin mej ro elōn̄ men ko, Jisōs eaar jiron̄ er n̄an rool n̄an m̧ōko̧ im ļōmņak im jar kōn ta eo eaar ba.
Rinipai ro raar jino jan̄. Raar jab kōņaan bwe Jisōs en kijerin em̧akūt.
Jisōs eaar iakwe Rinipai ro. Eaar jiron̄ er n̄an bōkļok armej ro raar nan̄inmej ak metak n̄an E bwe en maron̄ kemour er.
Jisōs eaar kemour armej rein. Aolep raar badikdik im kabun̄-jar n̄an E.