Jebta 46

JISŌS KRAIST ej Katakin im Jar ippān Rinipai ro

Rinipai ro raar lo Kraist rekar jiron̄ ro m̧ōttaer enaaj kar bar jepļaaktok raan eo tok juon. Elōn̄ armej ro raar lukkuun jerbal n̄an kōttōbar ijo Jisōs enaaj kar pād ie.

3 Nipai 19:2–3

Jibbon̄ōn̄ eo juon iaan Rinipai ro im rikaļoor ro jet raar katakin kumi eo me rekar kobaļo̧k. Innām rikaļoor ro raar jar bwe ren maron̄ bōk Jetōb Kwojarjar eo.

3 Nipai 19:6–9

Nipai eaar etal n̄an dān eo im kar peptaij. Innām eaar peptaiji rikaļoor ro jet.

3 Nipai 19:11–12

Ālkin aer kar peptaij, rikaļoor ro raar bōk Jetōb Kwojarjar eo. Kijeek eaar āinwōt jepooļ er, im enjel ro kar wanlaļtak jān lan̄ im jerbal in karejar n̄an er.

3 Nipai 19:13–14

Ilo an enjel ro kar pād ippān rikaļoor ro, Jisōs eaar itok im jutak ilubwilijier.

3 Nipai 19:15

Kraist eaar jiron̄ Rinipai ro bwe ren bukwelōlō ilal. Eaar jiron̄ rikaļoor ro an n̄an jar.

3 Nipai 19:16–17

Ke raar jar, Jisōs eaar etal etoļo̧k jidik jen armej ro im bukwelōlō laļļo̧k im jar n̄an Jemedwōj Ilan̄.

3 Nipai 19:18–20

Jisōs eaar kam̧oolol Jemedwōj Ilan̄ kōn an kar leļo̧k Jetōb Kwojarjar eo n̄an rikaļo̧o̧r ro an. Innem eaar kajjitōk kōn Jetōb Kwojarjar eo n̄an leļo̧k n̄an jabdewōt eo ej tōmak naan ko an rikaļoor ro.

3 Nipai 19:20–21

Jisōs eaar kōjeraam̧m̧an rikaļo̧o̧r ro an ke raar jar. Eaar ettōn̄ n̄an er, im raar erom̧ mouj āinwōt mejān nuknuk ko an.

3 Nipai 19:25

Jisōs eaar bar jar kōn rikaļoor ro An. Eaar m̧ōņōņō kōn ļap in tōmak eo aer.

3 Nipai 19:29, 35

Kraist eaar jiron̄ armej ro bwe en bōjrak aer jar bōtaap wōnm̧aanļo̧k wōt im jar ilo būruer. Innem Eaar leļo̧k kwojkwoj eo n̄an er.

3 Nipai 20:1–5

Ejjeļo̧k ekar boktok pilawe ak wain, bōtaap Rilo̧mo̧o̧r eo eaar kwaļo̧ki ilo juon wāween ekabūlōn̄lōn̄.

3 Nipai 20:6–7

Jisōs Kraist eaar jiron̄ Rinipai ro bwe gospel eo an naaj kar bar boktok n̄an laļ ilo raan ko āliktata.

3 Nipai1, 3, 7, 9

Eaar jiron̄ er n̄an ekkatak jeje ko rekwojarjar, im eaar kōm̧m̧an bwe Nipai en jeje ilo ļo̧o̧k ko kūrmool in aolepān naan in kanaan ko an Samuel Rilaman eo.

3 Nipai 23:1, 9–13

Innem Jisōs eaar katakin armej ro jen jeje ko rekwojarjar. Eaar jiron̄ er n̄an katakin doon men ko eaar katakin er.

3 Nipai 23:14

Jisōs eaar bar jepļaak n̄an lan̄, im rikaļoor ro an raar katakin armej ro. Ro raar tōmak raar peptaij im bōk Jetōb Kwojarjar.

3 Nipai 26:15, 17

Rinipai ro raar jino pokake aolep kien ko.

3 Nipai 26:20