Jebta 47

Jisōs Kraist ej Kōjeraam̧m̧an Rikaļoor ro An

Juōn raan ke rikaļoor ro raar ippān doon ilo jitlo̧k im jar, Jisōs Kraist eaar itok n̄an ippāer.

3 Nipai 27:1–2

Rikaļoor ro rekar kajjitōk Ippān ta eo rej aikuj likūt etan Kabun̄ eo. Jisōs eaar ba ej aikuj etņak E kōnke eaar an Kabun̄ eo.

3 Nipai 27:3, 7

Jisōs eaar kōm̧eļeļeik rikaļoor ro bwe Jemedwōj Ilan̄ eaar jilkintok E n̄an laļ in n̄an ajeļo̧k mour eo An n̄an aolep armej.

3 Nipai 27:14

Eaar ba aolep ro rej ukweļo̧k, peptaij ilo Etan, im pokake kien ko An naaj ejeļo̧k ruweer im̧aan Jemedwōj Ilan̄.

3 Nipai 27:16

Rilo̧mo̧o̧r eo eaar jiron̄ rikaļoor ro bwe ren kōm̧m̧ani men ko raar loe An kōm̧m̧ani. Em̧oj An kar kōm̧m̧an waanjo̧n̄o̧k eo n̄an er.

3 Nipai 27:21

Eaar barāinwōt jiron̄ er bwe ren je ta ko raar loe im ron̄ bwe ro jet ren maron̄ jeļā kake.

3 Nipai 27:23–25

Jisōs eaar kajjitōk ippān rikaļoor ro ta rej kōņaan jān E. Ruatimjoun iaer kar kōņaan pād ippān ālkin an mour ko aer jem̧ļo̧k ilo laļ in.

3 Nipai 28:1–2

Jisōs eaar kallim̧uri er bwe n̄e raar 72 iiō dettāer, remaron̄ nej etal ippan n̄an lan̄.

3 Nipai 28:3

Rikaļoor ro jilu raar jab kajjitōk ta ko raar kōņaan, bōtaap Jisōs eaar jeļā. Raar kōņaan pād wōt ioon laļin im katakin gospel m̧ae iien eo Jisōs ebar rooltok.

3 Nipai 28:5–6, 9

Rilo̧mo̧o̧r eo eaar kallim̧uri er bwe rejamin en̄jake metak ak būrom̧ōj im jab maron̄ mej. Renaaj kar katakin armej gospel eo m̧ae iien Ebar rooltok.

3 Nipai 28:7–9

Jisōs eaar un̄ūr kajojo rikaļoor ro ijelo̧kin ro jilu me renaajkar pād wōt ioon laļ in. Innem eaar ilo̧k.

3 Nipai 28:12

Rikaļoor ro jilu kar bōk er n̄an lan̄, ijo raar lo im ron̄ elōn̄ men ko rem̧m̧an. Raar maron̄ meļeļeļo̧k kōn men ko an Anij.

3 Nipai 28:13, 15

Ānbwinier kar oktak bwe maron̄ kar jab mej.

3 Nipai 28:15

Rikaļoor ro jilu raar jepļaaktok n̄an laļ im jino kwaļo̧k naan im peptaij.

3 Nipai 28:16, 18

Rinipai ro renana raar joļo̧k rikaļoor ro jilu ilo kalbuuj im iloan juon ron̄ em̧wilaļ, ak kajoor eo an Anij eaar jipan̄ er deoor.

3 Nipai 28:19–20

Ke rekar iuunļo̧k er n̄an loan kijeek im ilowaan ron̄ an mennin mour awia ko, kar barāinwōt kōjparok er kōn kajoor eo an Anij.

3 Nipai 28:21–22

Rikaļoor ro jilu raar wōnm̧aanļo̧k wōt n̄an kwaļo̧k naan in gospel eo an Jisōs Kraist n̄an Rinipai ro. Rekab de kwaļo̧k gospel eo An.

3 Nipai 28:23, 27–29