Jebta 42
Kōkaļļe ko kōn Dōbwāāl eo an Kraist
Kiiō raar lale kōkaļļe eo kōn mej eo an: jilu raan in marok.
Jet raar jab tōmak ke kōkaļļe eo en kar waļo̧k. Raar akweel ippān ro rekar tōmak.
Juon raan juon ļan̄ ekajoor eaar itok. Ekar lōn̄ juon kōto eo enana.
Eaar ejjarom̧rom̧, im jouruur eaar kōmakūt aolepān laļ.
Jikin eo an Zarahemla eaar bwil kōn kijeek. Jikin eo an Moronai eaar tūm̧lalļo̧k ilojet. Jikin eo an Moronihah kar kalbwini.
Juon m̧akūtkūt laļ eaar kōmakūt aolepen laļ. Ial ko raar rup, im m̧ōko raar rōm̧. Elōn̄ jikin ko raar kakure, im elōn̄ armij ro raar mej.
Ļan̄ eo im m̧akūtkūt in lal eo eaar jemļo̧k ālkin jilu awa.
Ke ļan̄ eo im makūtkūt laļ eo kar bōjrak, marok jilōn̄lōn̄ eaar kalbubuik āneo. Ekar ejjeļo̧k meram jabdewōt jikin. Armej ro raar maron̄ em̧ool en̄jake marok eo.
Marok eo eaar jako ālkin jilu raan ko. Kāāntōl ko rejjab maron̄ bwil, im armej ro raarjab maron̄ lo aļ, allōn̄, ak ijo ko.
Armej ro raar jan̄ kōnke marok eo, kakure eo, im mej. Raar būrom̧ōj bwe raar jab ukweļo̧k jān jerawiwi ko aer.
Innem armej ro raar ron̄ ainikien Jisōs Kraist.
Jisōs eaar jiron̄ er kōn kakure eo enana ilo āneo. Eaar ba bwe armej ro renana tata emōj aer kar mej.
Eaar ba bwe ro raar jab mej rej aikuj in ukweļo̧k. Eļan̄n̄e rekar im itōk n̄an E, Enaaj kōjeraam̧m̧an er.
Armej ro raar lukkuun ļo̧kjeņaer ālkin aer ron̄ ainikien eo me eaar bōjrak aer jan̄. Kar ejeļo̧k ainikien aolep men ilo elōn̄ awa ko.
Innem Jisōs eaar bar kōnnaan, im ba ke eaar kajjieon̄ n̄an jipan̄ armej ro. Eļan̄n̄e renaaj kar ukweļo̧k kio, remaron̄ nej jepļaak n̄an Ippān.
Ālikin jilu raan ko marok eo eaar jako. Armej ro raar m̧ōņōņō im kamoolol Irooj ilo lan̄lōn̄.