Jebta 51
Rijared ro rej EM̧M̧AKŪTĻO̧K n̄an Āneen Kallim̧ur eo
Ke Rijared ro raar kāām iturin lo̧jet, ļeo jein Jared eaar meļo̧kļo̧k in jar. Irooj eaar itok ilo juon kōdo n̄an jiron̄ e bwe en ukweļo̧k.
Ļeo jatin Jared eaar ukweļo̧k im jar. Irooj eaar jeorļo̧k bwōd ko an ļeo jein Jared bōtaap Eaar ba n̄an e bwe en jab bar jerawiwi.
Irooj eaar jiron̄ ļeo jein Jared bwe en jek baaj ko n̄an ektakeļo̧k armej ro an n̄an āneen kallim̧ur.
Irooj eaar jiron̄ ļeo jein Jared kōn wāween jōk baaj ko.
Baaj ko kar kōm̧m̧an bwe ren koņ bwe ejeļo̧k dān en deļo̧n̄.
Ļeo jein Jared eaar kōļmenļo̧kjen ekōjkan an maron̄ lōn̄ mejatoto n̄an armej ro aer emenono ilo baaj ko. Eaar kajjitōk ippān Irooj ta eo ej aikuj kōm̧m̧ane.
Irooj eaar jiron̄ e n̄an kōm̧m̧an ron̄ ilōn̄ im tulaļ ilo kajjojo baaj. Ron̄ eo emaron̄ peļļo̧k n̄an kadeļo̧n̄ tok kōto im kilōk n̄an bobrae an dān deļo̧n̄.
Ļeo jein Jared eaar jiron̄ Irooj bwe baaj ko rekar marok lowaer. Irooj eaar kajjitōk ippān bwe en lōm̧ņak kōn juon wāween n̄an kōm̧m̧an bwe en lōn̄ meram ilo baaj ko.
Meram eo n̄an baaj ko kar jab maron̄ itok jen kijeek ak jen wūntō ko kōnke remaron̄ kar rup.
Ļeo jein Jared eaar etal n̄an juōn tōļ im kōm̧m̧ane 16 dekā ko reddik jen juon dekā. Dekā ko raar āinwōt kūlaaj alikkar. Eaar kōm̧m̧an ruo dekā ko n̄an kajaojo baaj ko rualitōk.
Ļeo jein Jared eaar ineek dekā ko n̄an jabōn juon tōļ. Ijo eaar jar n̄an Irooj.
Ļeo jein Jared eaar kajjitōk ippān Irooj bwe en jibwe dekā ko bwe ren maron̄ boktok meram n̄an loan baaj ko.
Irooj eaar an̄ur kajjojo dekā ko kōn addiin pein.
Kōnke kōn an kar ļap tōmak eo an ļeo jein Jared, eaar lo addiin pein Irooj Ekar āinwōt addiin pein armej.
Innem Irooj eaar kwaļo̧k E make n̄an ļeo jein Jared.
Jisōs eaar ba armej ro rej tōmak ilo E naaj bōk mour indeeo.
Jisōs eaar katakin im kwaļo̧k elōn̄ men n̄an ļeo jein Jared. Jisōs eaar jiron̄ e n̄an je ta ko eaar loe im ron̄.
Ļeo jein Jared eaar ineek dekā ko laļļo̧k jen tōļ eo. Eaar likut juon dekā ilo jabōn kajjojo baaj. Raar leļo̧k meram n̄an lowaan baaj ko.
Rijared ro raar deļo̧n̄ļo̧k ilo baaj ko ippān mennin mour ko nejier im m̧ōn̄ā ko kijeer. Irooj eaar kōm̧m̧an juon kōto ekajoor bwe en ukļo̧k baaj ko n̄an āneen kallim̧ur.
Irooj eaar kōjpārok er ilo lojet en̄n̄at. Rekar kam̧m̧oolol Irooj im al al in nebar n̄an E.
Ālkin 344 raan ioon dān, baaj ko raar itakļo̧k ioon parijet in āneen kallim̧ur eo.
Ke Rijared ro rej diwoj tok jen baaj ko, raar bukwelōlō im jan̄ dān in kōmjalaļ im lan̄lōn̄.
Rijared ro rekar ekkal em̧ im ekkat mennin eddōk ko ilo āneen kallim̧ur eo. Rekar katakin ajri ro nejier n̄an ron̄jake Irooj im pokake naan ko an.