Jebta 19
Ļōmaro Nejin Mosaia Rej EROM̧ Mijenede ro
Mosaia ekar wōr emān nejin ļaddik ro: Ammōn, Aron, Omner, im Himni. Rekar pād ippān Alma eo Edik ke juon enjeļ ekar waļo̧k n̄an e.
Ļōmaro nejin Mosaia rekar ukweļo̧k jān jerawiwi ko aer im rekar būromōj kōn jorrāān ko rekar kōm̧m̧ani. Rekar jeļā ke gospel eo em̧ool, im rekar kōņaan katakin ro jet.
Ļōmaro nejin Mosaia er kajjojo rekar makoko in erom kiin̄. Ijjeļo̧kin, rekar kōņaan erom mijenede ro n̄an Rileman ro im kwaļo̧k kōjeraam̧m̧an ko an gospel eo ippāer.
Kiin̄ Mosaia ekar jar n̄an jeļā eļan̄n̄e ej aikuj kōtļo̧k ļōmaro nejin bwe ren etal. Anij ekar ba n̄an e bwe en kōtļo̧k er, im naaj kōjparok er. Elōn̄ Rileman ro rekar tōmak ennaan eo aer.
Ļōmaro nejin Mosaia rekar etal im katakin Releman ro. Rekar jitlo̧k im jar bwe ren erom mijenede ro rem̧m̧an.