Jebta 39
Nipai Ej Bōk Eļap Kajoor
Irooj eaar kōnono n̄an Nipai im nōbare kōn an pokake im ļap an jerbal n̄an katakin kōn gospel eo.
Kar leļo̧k kajoor n̄an Nipai bwe en kōm̧m̧an jabdewōt men. Irooj eaar jeļā ke enaaj kōjerbal kajoor in ilo jim̧we.
Irooj eaar jiron̄ Nipai n̄an kakkōl Rinipai ro bwe eļan̄n̄e reban ukweļo̧k, naaj kar kakure er. Nipai eaar m̧ōkaj ilo̧k n̄an kakkōl armej ro.
Rinipai ro raar jab tōmak Nipai. Raar kajjieon̄ jo̧ļo̧k ilo kalbuuj, bōtaap kajoor eo an Anij ekar kōjpāroke.
Nipai ej kwaļo̧k naan an Anij n̄an aolep Rinipai ro.
Ak armej ro raar nana ļo̧k wōt im jino tariņaeik doon.
Nipai eaar jar kōn juōn n̄ita, kōjatdikdik ke bwe jabwe m̧ōn̄ā enaaj kōttāik Rinipai ro im jipan̄ er ukweļo̧k.
N̄ūta eo eaar itok. Ekar ejeļo̧k wōt, innem eaar m̧ōrā ļo̧k bwidej im kein ekkan ko rejjab maron̄ eddōk. Eaar bōjrak an armej ro tariņae.
Rinipai ro raar kwōle, elōn̄ iaer rekar mej. Ro raar mour raar jino n̄an keememej Irooj im ta eo Nipai eaar katakin er.
Armej ro raar ukweļo̧k jān jerawiwi ko aer im kar akweļap n̄an riekajet ro aer n̄an kajjitōk bwe Nipai en kajem̧ļo̧k n̄ūta eo. Riekajet ro raar etaļ n̄an ippān Nipai.
Ke Nipae eaar loe ke armej ro raar ettā im kar ukweļo̧k, eaar kajjitōk ippān Irooj bwe en kajem̧ļo̧k n̄ūta eo.
Irooj eaar uwaake jar eo an Nipai, im eaar jino wōt. Ejjab to keinnikan ko rekar bar eddōk. Armej ro raar kaiboojoj Anij im jeļā bwe Nipai eaar juon rikanaan em̧m̧an.
Eitōn aolepāņ Rinipai ro raar kobaļo̧k ilo Kabun̄ eo. Raar erom̧ m̧weie, im jikin ko aer eaar eddōk. Eaar wōr aenōm̧m̧an ilo āneo.
Innem jet Rinipai ro raar kobaļo̧k ippān Rileman ro raar tariņaeik Rinipai ro.
Rinipai ro raar kajjieon̄ anjo jen rikōjdat ro aer, ro raar erom̧ rikwoot in Kadiantōn ro, bōtaap raar jab maron̄ kōnke er make raar bar erom̧ nana.
Ke Rinipai ro raar jim̧we, Irooj eaar kōjeram̧m̧an er. Ke raar utiej im meļo̧kļo̧k Irooj, eaar leļo̧k jorrāān n̄an jipan̄ er keememej E.