Jebta 39

Nipai Ej Bōk Eļap Kajoor

Nipai ej kōļmenļo̧kjen

Nipai eaar etetalļo̧k n̄an m̧weo im̧ōn, kōļmenļo̧kjen kōn ta eo Irooj eaar kwaļo̧k n̄an e im kōn nana eo an Rinipai ro. Eaar būrom̧ōj kōn ke kōn nana eo aer.

Hilamōn 10:1–3

Nipai ej jar

Irooj eaar kōnono n̄an Nipai im nōbare kōn an pokake im ļap an jerbal n̄an katakin kōn gospel eo.

Hilamōn 10:4

Nipai

Kar leļo̧k kajoor n̄an Nipai bwe en kōm̧m̧an jabdewōt men. Irooj eaar jeļā ke enaaj kōjerbal kajoor in ilo jim̧we.

Hilamōn 10:5

Nipai ej etetal

Irooj eaar jiron̄ Nipai n̄an kakkōl Rinipai ro bwe eļan̄n̄e reban ukweļo̧k, naaj kar kakure er. Nipai eaar m̧ōkaj ilo̧k n̄an kakkōl armej ro.

Hilamōn 10:11–12

Rinipai ro rej lukwo̧rkwo̧re Nipai

Rinipai ro raar jab tōmak Nipai. Raar kajjieon̄ jo̧ļo̧k ilo kalbuuj, bōtaap kajoor eo an Anij ekar kōjpāroke.

Hilamōn 10:15–16

Nipai ej etal etoļo̧k

Nipai ej kwaļo̧k naan an Anij n̄an aolep Rinipai ro.

Hilamōn 10:17

armej rej irre

Ak armej ro raar nana ļo̧k wōt im jino tariņaeik doon.

Hilamōn 11:1

Nipai ej jar

Nipai eaar jar kōn juōn n̄ita, kōjatdikdik ke bwe jabwe m̧ōn̄ā enaaj kōttāik Rinipai ro im jipan̄ er ukweļo̧k.

Hilamōn 11:3–4

em̧m̧aan ro ilo āne em̧ōrā

N̄ūta eo eaar itok. Ekar ejeļo̧k wōt, innem eaar m̧ōrā ļo̧k bwidej im kein ekkan ko rejjab maron̄ eddōk. Eaar bōjrak an armej ro tariņae.

Hilamōn 11:5–6

baam̧le eo ej jar

Rinipai ro raar kwōle, elōn̄ iaer rekar mej. Ro raar mour raar jino n̄an keememej Irooj im ta eo Nipai eaar katakin er.

Hilamōn 11:6–7

armej ro rej kōnono ippān riekajet ro

Armej ro raar ukweļo̧k jān jerawiwi ko aer im kar akweļap n̄an riekajet ro aer n̄an kajjitōk bwe Nipai en kajem̧ļo̧k n̄ūta eo. Riekajet ro raar etaļ n̄an ippān Nipai.

Hilamōn 11:8–9

Nipai ej jar

Ke Nipae eaar loe ke armej ro raar ettā im kar ukweļo̧k, eaar kajjitōk ippān Irooj bwe en kajem̧ļo̧k n̄ūta eo.

Hilamōn 11:9–12

armej ro ilo wōt

Irooj eaar uwaake jar eo an Nipai, im eaar jino wōt. Ejjab to keinnikan ko rekar bar eddōk. Armej ro raar kaiboojoj Anij im jeļā bwe Nipai eaar juon rikanaan em̧m̧an.

Hilamōn 11:17–18

Nipai ej jerbal

Eitōn aolepāņ Rinipai ro raar kobaļo̧k ilo Kabun̄ eo. Raar erom̧ m̧weie, im jikin ko aer eaar eddōk. Eaar wōr aenōm̧m̧an ilo āneo.

Hilamōn 11:20–21

Rileman ro rej tariņaik Rinipai ro

Innem jet Rinipai ro raar kobaļo̧k ippān Rileman ro raar tariņaeik Rinipai ro.

Hilamōn 11:24

ritariņae

Rinipai ro raar kajjieon̄ anjo jen rikōjdat ro aer, ro raar erom̧ rikwoot in Kadiantōn ro, bōtaap raar jab maron̄ kōnke er make raar bar erom̧ nana.

Hilamōn 11:26, 28–29

Rinipai ro rej paajkōt

Ke Rinipai ro raar jim̧we, Irooj eaar kōjeram̧m̧an er. Ke raar utiej im meļo̧kļo̧k Irooj, eaar leļo̧k jorrāān n̄an jipan̄ er keememej E.

Hilamōn 12:1–3