Jebta 10
Jekab im Serem
M̧okta jān an Nipai kar mej ekar leļo̧k pileij ko em̧ōj an kar jeje ioer n̄an ļaddik eo jatin edik etan Jekab. Jekab ekar mour jim̧we.
Nipai ekar ba n̄an Jekab bwen je men ko me enaaj jipan̄ armej ro tōmak ilo Jisōs Kraist.
Nipai ekar leļo̧k n̄an Jekab kajoor bwen erom juon pris ilo Kabun̄ eo im n̄an katakin Rinipai ro naan an Anij.
Ālkin an Nipai kar mej elōn̄ iaan Rinipai ro rekar jino nana. Jekab ekar katakin armej ro im ekar ba n̄an er bwe ren ukweļo̧k jān men ko renana rej kōm̧m̧ani.
Juon em̧m̧aan enana etan Serem ekar etal n̄an ilubwiljin Rinipai ro, katakin er bwe ren jab tōmak ilo Jisōs Kraist.
Serem ekar ba n̄an armej ro bwe ejjeļo̧k Kraist. Elōn̄ armej rekar tōmak Serem.
Jekab ekar katakin armej ro n̄an tōmak ilo Kraist. Serem ekar kōņaan akwāāl ippān Jekab im kipel e bwe ejjeļo̧k Kraist.
Tōmak eo an Jekab ilo Jisōs Kraist ekar jab ebolool. Em̧ōj an kar loe enjeļ ro im kar ron̄ ainikien Irooj. Ekar jeļā bwe Jisōs enaaj itok.
Jetōb Kwojarjar ekar pād ippān Jekab ilo an kar kwaļo̧k naan in kam̧ool eo an kōn Jisōs Kraist n̄an Serem.
Serem ekar kajjitōk bwe en lo juon kōkaļļe. Ekar kōņaan bwe Jekab en kam̧ool ke ewōr juon Anij. Ekar kōņaan lo juon menin bwilōn̄.
Jekab eban kajjitōk ippān Anij kōn juon kōkaļļe. Ekar ba Serem ekar jeļā kadede ke ta ko Jekab ekar katakin rem̧ool.
Jekab ekar ba eļan̄n̄e Anij enej im̧ōk Serem, menin enaaj juon kōkaļļe in kajoor an Anij.
Serem ekar kajju okjak laļļo̧k. Ekar jab jerkak ium̧win elōn̄ raan ko.
Serem ekar mōjņo im ekar jeļā ke enej mej. Ekar kūr tok aolep armej ro ippān doon.
Ekar ba n̄an er ke ekar riab. Ekar ba bwe rej aikuj tōmak ilo Jisōs Kraist.
Ālkin an dedeļo̧k an Serem kōnono n̄an armej ro, ekar mej. Armej ro rekar en̄jake kajoor an Anij, im rekar okjak laļļo̧k n̄an laļ.
Armej ro rekar jino ukweļo̧k im riiti jeje ko rekwojarjar. Rekar jokwe ilo aeņōm̧m̧an im iakwe. Jekab ekar m̧ōņōņō im ekar jeļā bwe Anij ekar uwaake jar ko an.