Maikatlo a Nephi: Dagitoy Sangapulo-ket-dua a Pinilik, ni Gary L. Kapp

Septiembre 21–27

3 Nephi 12–16

“Siak ti Paglintegan, ken ti Silaw”

Bayat ti panagadalmo iti 3 Nephi 12–16, sapulem dagiti kinapudno nga agbalinto a napateg kadagiti ubbing a sursuruam. Isingasing daytoy a balabala ti sumagmamano a kinapudno, ngem mabalin nga iturongnaka ti Espirtu ti dadduma.

Isuratmo Dagiti Impresionmo

Yawis ti Panagbibinninglay

Mangipasaka iti maysa a ladawan ni Jesus. Pagsisinnublatem dagiti ubbing a mangiggem ti ladawan ket mangibinglay iti maysa a banag nga insuro ni Jesus, kas iti maysa a banag a nasursuroda iti pagtaenganda itoy a lawas.

Isuro ti Doktrina: In-inaudi nga Ubbing

3 Nephi 12:14–16

Makapagbalinak a nasayaat a pagwadan kadagiti dadduma.

No dadduma mabalin a saan a maamiris dagiti ubbing no kasano ti kadakkel ti panagparabur dagiti pagwadanda kadagiti dadduma. Usarem dagitoy a bersikulo a mangparegta kadakuada amangpasilnag iti silawda.

Dagiti Mabalin nga Aktibidad

• Ibagam kadagiti ubbing a maipanggep kadakuada ti 3 Nephi 12:14–16 , ket kalpasanna basaem daytoy iti napigsa. iti kanito a mabasam ti “sika” wenno “kenka,” itudom dagiti ubbing, ken kiddawem kadakuada a mangitudo iti bagbagida.

• Ipakitam kadagiti ubbing ti maysa a flashlight, ken awisem ti maysa kadakuada a pagsilawenna daytoy. Ilawlawag a no surotentayo ti Mangisalakan, kas met laeng iti panangsinditayo iti maysa a silaw a makatulong kadagiti dadduma a mangsurot met Kenkuana. Kalpasanna kalubam wenno ilemmengmo ti silaw, ket kiddawem kadagiti ubbing a manginagan iti sumagmamano a banag a mabalinda nga aramiden tapno agbalinda a nasayaat a pagwadan kadagiti dadduma. Tunggal kanito nga aramidenda daytoy, pasindiam kadakuadal ti silaw (kitaen met ti panid ti aktibidad iti daytoy a lawas).

• Aggigiddan nga agkansion iti maysa a kanta a mangparegta kadagiti ubbing nga agraniag a kas iti maysa a silaw, kas iti “Shine On” wenno “I Am like a Star” (Children’s Songbook, 144, 163). Isaritam kadagiti ubbing maipapan iti silaw a makitam kadakuada no agaramidda kadagiti “nasayaat nga aramid,” ken ilawlawagmo no kasano a makatulong dagiti silaw ken pagwadanda kadagiti dadduma ken mangparegta kenka nga agaramid met kadagiti nasayaat nga aramid.

3 Nephi 14:7

Sungbatan ti Nailangitan nga Ama dagiti kararagko.

Makatulong daytoy a bersikulo a mangipaawat kadagiti ubbing a denggen ken sungbatan ti Dios dagiti kararagda.

Dagiti Mabalin nga Aktibidad

• Bayat ti panangbasam iti 3 Nephi 14:7, awisem dagiti ubbing nga agaramid kadagiti tignay a mangibagi iti tunggal awis ti Mangisalakan iti daytoy a bersikulo. Kas pagarigan, mabalin nga ingato dagiti imada (agdawat), pagbalinenda a kas largabista dagiti imada (agsapul), wenno agtignayda nga agtuktuktok (agtuktok). Tulongam dagiti ubbing a mangpanunot kadagiti banag a mabalinda ng ibaga ken saludsoden iti kararagda. Ilawlawag a mabalintayo nga ibaga iti Nailangitan nga Ama ti ania man a banag, ket dumngegto gapu ta ay-ayatennatayo.

• Kiddawem kadagiti ubbing a mangipakitada kenka no ania ti maaramid dagiti ima, mata, ken uloda no agkararagda. Usarem ti maysa a kanta a kas “We Bow Our Heads” tapno makatulong (Children’s Songbook, 25). Asino ti kasarsaritatayo no agkararagtayo? Ibinglaymo ti pammaneknekmo a denggen ti Nailangitan nga Ama dagiti kararagtayo.

3 Nephi 14:24–27

Kayat ti Mangisalakan a denggek ken aramidek no ania ti isurona.

Saan nga umanay a dengdenggentayo laeng ti balikas ti Mangisalakan. Dagiti laeng agtungpal kadagiti pannursurona ti makasarked kadagiti bagyo ti biag.

Dagiti Mabalin nga Aktibidad

• Aggigiddan a kantaen ti “The Wise Man and the Foolish Man” (Children’s Songbook, 281), wenno basaen ti 3 Nephi 14:24–27. Tulongam dagiti ubbing a sukatanda iti nagnaganda ti “wise man [masirib a lalaki]” bayat ti panagkantada. Apay a nagtalinaed a nakatakder ti balay ti masirib a lalaki kabayatan iti bagyo? Irebyu ti bersikulo 24 tapno mayunay-unay ngaa agpada a nanggegna ken inaramidna ti imbaga ti Mangisalakan.

• Ipakita kadagiti ubbing ti maysa a bato ken sumagmamano a darat. Kiddawem kadakuada nga itudoda ti bato no iladawanmo ti pili a mangsurot iti Mangisalakan ken itudoda ti darat no iladawanmo ti pili a saan a mangsurot Kenkuana. Paneknekam a no aramidentayo no ania ti isao ti Mangisalakan, napigsatayo kas iti maysa a balay a naipatakder iti rabaw ti bato.

Isuro ti Doktrina: In-inauna nga Ubbing

3 Nephi 12:6

Nasken a mabisin ken mawawak iti kinalinteg.

Mabalin a makainaig ti tunggal maysa iti bisin ken waw; insarita ti Mangisalakan maipapan kadagitoy a rikna tapno suruannatayo no kasano ti nasken a mariknatayo maipapan iti panagkalikagum a manggun-od iti kinalinteg.

Dagiti Mabalin nga Aktibidad

• Saan nga ipangpangngeg kadagiti dadduma nga ubbing, kiddawem iti maysa nga ubing nga agpammarang a mangmangan wenno umin-inum, ket papugtuam kadagiti dadduma pay nga ubbing no ania ti ar-aramidenna. Kasano ti rikna ti mangan iti naimas a taraon wenno uminum iti nadalus a danum? Kasano ti panagtaraontayo kadagiti espiritutayo? Awisem dagiti ubbing a mangbasa iti 3 Nephi 12:6 tapno maammuan no ania ti kayat ti Mangisalakan a “pakabisinan ken pakawawan[tayo].” Kasano nga ipakitatayo ti panagtarigagaytayo iti kinalinteg a kas iti panagtarigagaytayo iti taraon ken inumen?

• Mangitugot kadagiti ladawan ti taraon ken inumen, ket nagannan ti tunggal maysa iti reperensia iti nasantuan a kasuratan kas iti Salmo 119:103; Juan 6:35; 2 Nephi 32:3; Enos 1:4; wenno 3 Nephi 20:8. Awisem dagiti ubbing a mangbasa kadagiti binatog ken mangiladawan no ania ti isuroda maipapan iti no ania ti mabalintayo nga aramiden tapno maipakita a mabisin ken mawawtayo iti kinalinteg. Ibinglay dagiti padas anakariknaam iti “mapno iti Espiritu Santo,” ken awisem dagiti ubbing a mangibinglay kadagiti bukodda a padas.

3 Nephi 13:1–8, 16–18

Nasken nga agaramidak kadagiti nasayaat a banag para kadagiti umisu a panggep.

Ipamatmat dagitoy bersikulo a saan nga umdas dagiti nasayaat nga aramid—nasken a naparegta dagiti aramidtayo iti ayat iti Dios ken tarigagay nga agserbi Kenkuana.

Dagiti Mabalin nga Aktibidad

• Kiddawem iti maysa nga ubing a mangsukisok iti 3 Nephi 13:1–4, 5–8, wenno 16–18 ken mangilasin kadagiti nasayaat nga aramid a nadakamat kadagitoy a bersikulo (ilawlawag a ti kaipapanan iti mangted ti “limos” ketpanangted iti nakurapay). Apay nga imbaga ti Mangisalakan a saantayo nga agbalin a kas kadagiti sumagmamano a tao nga ag-aramid kadagitoy a banag?

• Ikkam ti tunggal ubing iti maysa a papel a nasuratan iti nalinteg nga aramid (wenno pagpanunoten ida iti bukkoda a pagarigan). Kiddawem kadakuada nga agpanunot kadagiti naimbag a panggep ken dakes a panggep iti panagaramidda kadagita a banag. Allukoyem ida a kanayon nga agaramid kadagiti nasayaat a banag para kadagiti umisu a panggep.

3 Nephi 14:21–27; 15:1

Ti panagdengngeg ken panagaramid no ania ti isursuro ti Mangisalakan ket nagtaud iti naespirituan a kinatalged.

Sumangbay dagiti “tudo” ken “layus” kadatayo amin iti biag, ngem malasatantayo dagiti pannubok no agpada a denggen ken aramidentayo no ania ti isursuro ni Jesus.

Dagiti Mabalin nga Aktibidad

• Kas maysa a klase, basaenyo ti 3 Nephi 14:21–27 ken 15:1, ken kiddawem kadagiti ubbing a tumakderda iti tunggal mabasam ti balikas nga “aramiden.” Apay nga inyunay-unayt ti Mangisalakan ti panangaramid kadagiti insaona, saan laeng nga panangdengngeg wenno pananglagip? Awisem dagiti ubbing a mangidrowing iti maysa a ladawan iti bersikulo 24–25 ken isurat iti bato ti “Jesus” ken maysa a banag nga insuro ni Jesus nga aramidentayo. Aggigiddan a kantaen ti “The Wise Man and The Foolish Man” (Children’s Songbook, 281).

• Awisem dagiti ubbing a tumakder, ken kiddawem kadakuada a mangipapan a ti maysa a saka ket mangibagi ti panagdengngeg kadagiti balikas ti Mangisalakan ken ti sabali pay a saka ket mangibagi iti panagaramid kadagitoy. Awisem ida a mangingato iti “agar-aramid” a saka ketibalanse iti “agdengdengngeg” a saka. Ania ti mapasamak no maysa a napigsa nga angin ti agpuyupoy iti siled? Usarem daytoy a pagarigan a mangiladawan no nataltalged nga aramiden no ania ti sao ti Mangisalakan ket saan laeng a denggen dagiti balikasna.

Yallukoy ti Panagsursuro iti Pagtaengan

Awisem dagiti ubbing a mangpili iti maysa a banag a nasursuroda maipapan kadagiti pannursuro ni Jesus ita ken mangikkedeng no kasano nga aramidendantodaytoy. Kasano a makatulongto kadakuada dagiti tignayda nga agbalin a maysa a silaw para kadagiti pamilia ken gaggayemda?

Panangpadur-as iti Panangisurotayo

Ibagay dagiti aktibidad tapno maipaay dagiti kasapulan. Dimo pagarupen a dagitoy a balabala ket kas pangiturong a nasken a surotem. No di ketdi, usarem dagitoy a kas paggapuan dagiti kapanunotan a manggubuay iti bukodmo nga inspirasion bayat ti panangutobmo iti kasapulan dagiti ubbing a sursuruam. Iti sumagmamano a kasasaad, mabalin a mariknam a naparegtaka a mangibagay iti maysa nga aktibidad para kadagiti in-inaudi nga ubbing a maisuro kadagiti in-inauna nga ubbing, wenno vice versa.