Ni Samuel a Lamanite a Mangisursuro iti Rabaw ti Pader, ni Arnold Friberg

Agosto 31–Septiembre 6

Helaman 13–16

“Naragsak a Damag ti Naindaklan a Rag-o”

Agsagana a mangisuro babaen iti panangbasa iti Helaman 13–16 ken panangutob no ania kadagiti aktibidad ti kasayaatan a makatulong kadagiti ubbing a makasursuro kadagiti kinapudno kadagitoy a kapitulo.

Isuratmo Dagiti Impresionmo

Yawis ti Panagbibinninglay

Ipakitam ti maysa a ladawan ni Samuel a Lamanite, ken awisem dagiti ubbing a mangibinglay iti maysa a banag nga ammoda maipapan kenkuana. Kas pagarigan, mabalinda kadi ngaisarita maipapan iti estoria ni Samuel a mangisursuro iti rabaw ti pader wenno dagiti tanda a kinunana nga agparang inton maipasngay ni Jesus?

Isuro ti Doktrina: In-inaudi nga Ubbing

Helaman 13:2–5

Makapagsao ti Espiritu Santo iti puspusotayo.

Idi naibilin ken ni Samuel a Lamanite a mangikasaba kadagiti Nephite, tinulongan isuna ti Nailangitan ng Ama a maammuan iti pusona no ania ti ibagana.

Dagiti Mabalin nga Aktibidad

• Isurom kadagiti ubbing a no agsasaritatayo iti tunggal maysa babaen ti panangusar kadagiti balikas, makapagsarita ti Espiritu Santo babaen kadagiti rikna iti pusotayo. Awisem ida a mangiggem kadagiti imada iti batog dagiti pusoda tunggal a mabasam ti balikas a “puso” iti Helaman 13:2–5. Tulongam ida a mangarkos kadagiti sukog-puso a pedaso ti papel a mangibaga iti, “Makisarita kaniak ti Espiritu babaen iti pusok.”

• Ibagam kadagiti ubbing a no mabuniagan ken makumpirmaanda, maaddandanto iti sagut ti Espiritu Santo a mangtulong kadakuada a mangammo no ania ti kayat ti Nailangitan nga Ama nga aramiden ken isaoda. Tulongam ida nga agpanunot kadagiti banag a mabalin nga ibaga ti Espiritu Santo kadakuada, ken awisem ida a mangibinglay no ania ti mabalinda nga aramiden a mangsurot kadagiti pariknana.

Alma 14:2–7, 20–25

Isuro dagiti propeta ti maipapan ken ni Jesucristo.

Naindaklan a gundaway ti pakaammuna maipapan ken ni Samuel a Lamanite tapno maisuro kadagiti ubbing nga isuro dagiti amin a propeta ti maipapan ken ni Jesucristo.

Dagiti Mabalin nga Aktibidad

• Ipakitam ti ladawan ni Samuel a Lamanite iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia, ket isaritam kadagiti ubbing, iti simple a balikas, maipapan iti padasna iti Helaman 13–16. Mabalinmo met nga usaren ti “Kapitulo 40: Isarita ni Samuel a Lamanite maipapan ken ni Jesucristo” (Dagiti Estoria iti Libro ni Mormon 111–13, wenno ti katupagna a video iti ChurchofJesusChrist.org). Paibinglay kadagiti ubbing ti ammoda maipapan ken ni Samuel a Lamanite.

• Aggigiddan a kantaen ti “Samuel Tells of the Baby Jesus” wenno ti maikapito a berso ti “Dagiti Estoria iti Libro ni Mormon” (Children’s Songbook, 36, 118–19). Ibinglaymo ti maysa a banag a daydayawem maipapan ken ni Samuel, ket paibinglaymo kadagiti ubbing no ania ti kayatda maipapan daytoy nga estoriana.

• Ilemmengmo dagiti ladawan iti lawlaw ti siled a mangibagi kadagiti tanda nga inpadto ni Samuel iti Helaman 14:2–7 and 20–25. Basaem ti maysa a ragup dagiti balikas a mangiladawan iti maysa kadagiti tanda, ket kiddawem kadagiti ubbing a mangsarak iti ladawan dayta a tanda. Ilawlawagmo a nakatulong dagiti tanda kadagiti Nephite a mangammo iti maipapan ken ni Jesucristo. Paneknekam a: kas ken ni Samuel,nagpaneknekda maipapan ken ni Jesucristo.

Iturongnatayo iti propeta ken ni Jesucristo.

Helaman 16:1–6

Mabendisionannak no surotek dagiti propeta.

Nangted kadatayo ti Nailangitan nga Ama ti propeta tapno tulongannatayo a maamuan ti kayatna ken surutentayo ti planona. Mabendesionantayo no denggen ken tungpalentayo dagiti balikas ti propeta.

Dagiti Mabalin nga Aktibidad

• Bay-am dagiti ubbing a mangaramid iti bassit a pader babaen kadagiti bloke wenno libro. Babaen iti panagusar iti bassit nga ay-ayam wenno munieka a mangibagi ken ni Samuel, bay-am dagiti ubbing nga agsisinublatda a tumulong nga isang-at ni Samuel iti pader tapno mangisuro kadagit tao maipapan ken ni Cristo. (Kitaem ti panid ti aktibidad iti daytoy a lawas.) Mangibinglay ti ragup dagiti balikas manipud iti Helaman 16:1 ken 5 tapno mailawlawag a patien dagiti sumagmamano a tao ni Samuel ket nabuniaganda. Usarem ti ragup dagiti balikas manipud iti Helaman 16:2 and 6 tapno maipakita a di mamati dagiti sumagmamano a tao ket kagurada ni Samuel. Paneknekam a mabendisionan dagiti tao a sumurot iti propeta.

• Idisplay ti maysa a ladawan iti Mangisalakan, ken kiddawem ti maysa nga ubing a mangibagi iti propeta ken iturong dagiti dadduma iti lawlaw ti siled bayat ti panagkantada dagiti sumagmamano a bersikulo iti “Follow the Prophet” (Children’s Songbook, 110–11) wenno sabali a kanta maipapan iti propeta. Kalpasana kiddawem ti maysa nga ubing a mangibagi iti propeta a mangiturong kadagiti ubbing iti ladawan ti Mangisalakan. Paneknekam a no surutentayo ti propeta, iturongnatayo ken ni Jesucristo. Ibinglay dagiti sumagmamano a banag nga insuro ti propeta maipapan ken ni Jesus iti nabiit. Kasano a masurottayo ti balakadna?

Isuro ti Doktrina: In-inauna nga Ubbing

Helaman 13:2-4

Makapagsao ti Espiritu Santo iti puspusotayo.

Iti maysa nga aldaw, kasapulanto dagiti ubbing a sursuruam no kasano nga aramiden ti inaramid ni Samuel: ibinglay ti mensahe nga insaadna iti Apo kadagiti pusoda.

Dagiti Mabalin nga Aktibidad

• Ipakitam ti ladawan ni Samuel a Lamanite (kas iti adda iti Umaykayo, Sumurot Kaniak—Para kadagiti Indibidual ken Pamilia), ken saludsodem kadagiti ubbing no kasano a naammuan ni Samuel ti isaritana idi mangikaskasaba isuna manipud iti pader ti siudad. Awisem ida a biruken iti Helaman 13, 2–4 ti sungbat. Isaritam ti panawen idi tinulongannaka ti Espiritu Santo a maammuan iti pusom no ania ti kayat iti Dios nga aramidem wenno isarita. Awisem dagiti ubbing a mangibinglay kadagiti kasta met a padas a napadasanda.

• Ipakita ti ladawan ti sibibiag a propeta nga agsarsarita iti maysa a sapasap a komperensia. Ibagam kadagiti ubbing nga imbaga ti Dios iti propeta no ania ti isaritana kadatayo, kas iti imbagana ken ni Samuel nga isaritana kadagiti Nephite. Pagsasaritaanyo amin ti maipapan kadagiti banag nga insarita ti propeta a mangparparegta kenka wenno kadagiti ubbing.

Helaman 14:2-28

Isuro dagiti propeta ti maipapan ken ni Jesucristo.

Ti panggep ti mensahe ni Samuel isu ti mangipaneknek ken ni Jesucristo ken awisenna dagiti tao nga agbabawi ken umay Kenkuana. Kasta met ti akem dagiti propeta itatta.

Dagiti Mabalin nga Aktibidad

• Awisem ti kagudua iti klase a mangbasa iti Helaman 14:2–6 ken agdrowing kadagiti ladawan iti tanda ti pannakayanak ni Jesus. Awisem ti sabali a kagudua ti klase nga basaen ti Helaman 14:20–28 ken idrowing dagiti ladawan iti tanda ti ipapatay ni Jesus. Kalpasanna kiddawem iti tunggal grupo a mangibinglay kadagiti indrowingda. Aggigiddan a basaen ti Helaman 14:11–12, ken kiddawen kadagiti ubbing a dumngeg iti no apay a nagpadto ni Samuel maipapan kadagiti tanda. Ania ti masursurotayo maipapan ken ni Jesucristo itatta?

• Ilawlawag a kas nangisuro ni Samuel a Lamanite maipapan ken ni Jesucristo, kasta met ti araramiden dagiti propeta itatta. Ibinglay ti maysa a salaysay manipud iti nabiit a mensahe iti komperensia a nagpaneknek ti sibibiag a propeta ken ni Jesucristo. Kiddawen kadagiti ubbing a mangibinglay no ania ti isuro kadakuada iti daytoy a propeta maipapan ken ni Jesucristo.

Helaman 16:1–6

Mabendisionannak no surotek dagiti propeta.

Nangted kadatayo ti Nailangitan nga Ama ti propeta tapno tulongannatayo a maamuan ti kayatna ken surutentayo ti planona. Mabendesionantayo no denggen ken tungpalentayo dagiti balikas ti propeta.

Dagiti Mabalin nga Aktibidad

• Basaem ti napigsa ti Helaman 16:1 and 5, ket kiddawem dagiti ubbing a tumakder no mangngeganda ti maysa a banag nga imbaga ti tattao idi patienda ti balikas ni Samuel. Kalpasan basaem ti bersikulo 2 and 6, ket kiddawem dagiti ubbing nga agtugaw no mangngeganda ti maysa a banag nga imbaga ti tattao idi saanda a mamati. Kasano a maipakitatayo a patientayo ti balikas ti sibibiag a propeta?

• Ipakita ti ladawan ti maysa a sibibiag a propeta, ken kiddawem kadagiti ubbing nga ibinglayda no ania ti ammoda maipapan kenkuana. Ibinglay no kasano a padpadasem a suruten dagiti sursuro ken no kasano a nabendisionnanaka iti panagaramidmo kadagitoy.

Yallukoy ti Panagsursuro iti Pagtaengan

Awisem dagiti ubbing nga agsursuro maipapan iti maysa a banag nga imbaga ti propeta ken ibinglay daytoy iti klase inton sumaruno a lawas.

Panangpadur-as iti Panangisurotayo

Allukoyen dagiti ubbing nga agsaludsod. “Ikarigatam nga makita [dagiti ubbing], dagiti saludsod a kas gundaway, saan a pannakasinga wenno lapped iti leksionmo. … Dagiti kasta a saludsod ti mangted kenka kadagiti napapateg a nauneg a pannakaawat ken pannakaammo maipapan iti pampanunoten dagiti ubbing, no ania dagiti pakaseknanda, ken no kasano ti panangrespondeda kadagiti banag a sursuruenda.(kitaen met ti Panangisuro iti Wagas ti Mangisalakan, 25–26).