Kapitulo 39
Umawat ni Nephi iti Naindaklan a Bileg
Nagna ni Nephi nga agawid, nga agpampanunot maipapan iti impakita ti Apo kenkuana ken maipapan iti kinadangkes dagiti Nephite. Nagleddaang isuna gapu iti kinadangkesda.
Kinasao ti Apo ni Nephi ket dinayawna iti panagbalinna a natulnog ken panagtrabahona a napasnek a mangisuro iti ebanghelio.
Naikkan ni Nephi iti bileg nga agaramid iti ania man a banag. Ammo ti Apo nga usarenna daytoy a bileg a sililinteg.
Imbaga ni Apo ken ni Nephi a ballaaganna dagiti Nephite a no dida agbabawi, madadaeldanto. Napan a dagus ni Nephi a magballaag kadagiti tao.
Saan a namati dagiti Nephite ken ni Nephi. Pinadasda nga ipupok isuna iti pagbaludan, ngem ti bileg ti Dios ti nangsalaknib kenkuana.
Impakdaar ni Nephi ti balikas ti Dios iti amin a Nephite.
Ngem nagbalin a nadangdangkes pay dagiti tattao ket nangrugida nga agraranget iti tunggal maysa.
Nagkararag ni Nephi para iti panagbisin a mangnamnama a ti kaawan iti taraon ti mamagpakumbaba kadagiti Nephite ken mangtulong kadakuada nga agbabawi.
Dimteng ti panagbisin. Awan ti tudo, isu a nagmaga ti daga ket saan a makapagdakkel dagiti mula. Nagsardeng dagiti tao nga agraranget.
Mabisin dagiti Nephite, ket adu kadakuada ti natay. Nangrugi dagiti nagbiag a nanglagip iti Apo ken ti insuro ni Nephi kadakuada.
Nagbabawi dagiti tao kadagiti basolda ket kalpasanna impakaasida kadagiti ukomda a kiddawenda ken ni Nephi a manggibus iti bisin. Napan dagiti ukom ken ni Nephi.
Idi nakita ni Nephi a nagbalin a napakumbaba ken nagbabawin dagiti tao, indawatna iti Apo a manggibus iti bisin.
Sinungbatan ti Apo ti kararag ni Nephi, ket nangrugi a nagtudo. Saan a nabayag dumakdakkel manen dagiti mula. Intan-ok dagiti tao ti Dios ken ammoda a naindaklan a propeta ni Nephi.
Kaaduan dagiti Nephite ti nagkameng iti Simbaan. Nagbalinda a nabaknang, ket dimmur-as dagiti siudadda. Adda kappia iti daga.
Kalpasanna sumagmamano a Nephite nga immun-una a nakikadua kadagiti Lamanite ti nangdarup kadagiti Nephite.
Pinadas dagiti Nephite nga abaken dagiti kabusorda, a nagbalin a dagiti mannanakaw ni Gadianton, ngem dida kabaelan gapu ta nagbalinda mismo a nadangkes manen.
Idi nalinteg dagiti Nephite, pinaraburan ida ti Dios. Idi natangigda ken nalipatanda ti Apo, inikkanna ida kadagiti parikut a makatulong kadakuada a manglaglalgip Kenkuana.