Kapitulo 47

Bendisionan ni Jesucristo dagiti Disipulona

Ni Jesus a kaduana dagiti disipulo

Maysa nga aldaw idi agay-ayuno ken agkarkararag dagiti disipulo a sangkamaysa, immasideg ni Jesucristo kadakuada.

3 Nephi 27:1–2

Ni Cristo a makisarsarita kadagiti disipulo

Dinamag dagiti disipulo kenkuana no ania ti nasken nga inaganda iti Simbaan. Kinuna ni Jesus a nasken a nagananda daytoy a maisurot kenkuana gapu ta daytoy ti simbaanna.

3 Nephi 27:3, 7

Ni Jesus a makisarsarita kadagiti disipulona

Inlawlawag ni Jesus kadagiti disipulona nga imbaon isuna ti Nailangitan nga Ama iti daga tapno itedna ti biagna para iti amin a tao.

3 Nephi 27:14

Ni Cristo a makisasao kadagiti disipulona

Kinunana a tunggal maysa nga agbabawi, mabuniagan iti naganna, ken agtungpal kadagiti bilinna ket awanto ti basolna iti sango ti Nailangitan nga Ama.

3 Nephi 27:16

Ni Cristo a makisasao kadagiti disipulona

Imbaga ti Mangisalakan kadagiti disipulona nga aramidenda dagiti banag a nakitadan nga inaramidna. Impakitana ti pagwadan para kadakuada.

3 Nephi 27:21

Ni Cristo a makisarsarita maipapan kadagiti nasantuan a kasuratan

Imbagana pay kadakuada nga isuratda no ania ti nakitada ken nangngeganda tapno maammuan dagiti dadduma maipapan iti daytoy.

3 Nephi 27:23–25

Ni Cristo a kadua dagiti disipulo

Dinamag ni Jesus kadagiti disipulona no ania ti kayatda manipud kenkuana. Siam kadakuada ti nagtarigagay a makadenna isuna kalpasan ti gibus ti biagda iti daga.

3 Nephi 28:1–2

Ni Jesus a kaduana dagiti disipulo

Inkari ni Jesus kadakuada a no agtawenda iti 72, mapandanto kenkuana iti langit.

3 Nephi 28:3

Ni Jesus a kaduana ti tallo a disipulo

Saan a nagtured a nagdawat dagiti sabali pay a tallo a disipulo no ania ti tarigagayanda, ngem ammo ni Jesus. Tinarigagayanda ti agtalinaed iti daga ket mangisuroda iti ebanghelio agingga iti yaay manen ni Jesus.

3 Nephi 28:5–6, 9

Ti Mangisalakan a kaduana dagiti disipulo

Inkari ti Mangisalakan kadakuada a saandanto nga agsagaba iti saem wenno ladingit ken saandanto a matay. Isurodanto ti ebanghelio kadagiti tao agingga iti panagsublina.

3 Nephi 28:7–9

Ni Jesus a pumampanaw

Kinulding ni Jesus ti tunggal disipulo malaksid ti tallo nga agbati iti daga. Kalpasanna pimmanawen.

3 Nephi 28:12

tallo a disipulo a maip-ipan iti langit

Naipan dagiti tallo a disipulo iti langit, a nakakitaan ken nangngeganda iti adu a nakaskasdaaw a banag. Ad-adda a naawatanda dagiti banag ti Dios.

3 Nephi 28:13, 15

tallo a disipulo

Nagbalbaliw dagiti bagida tapno saanda a matay.

3 Nephi 28:15

dagiti disipulo a mangbumbuniag kadagiti dadduma

Nagsubli dagiti tallo a disipulo iti daga ket nangrugida iti panagikasaba ken panagbuniag.

3 Nephi 28:16, 18

tallo a disipulo iti nauneg nga abut

Impupok dagiti nadangkes a Nephite dagiti tallo a disipulo iti pagbaludan ken kadagiti nauneg nga abut, ngem tinulongan ti bileg ti Dios ida a makapaglibas.

3 Nephi 28:19–20

dagiti disipulo a maikabkabil iti urno

Idi naikabilda kadagiti urno ken rukib dagiti naatap nga ayup, nasalaknibanda iti bileg ti Dios.

3 Nephi 28:21–22

dagiti disipulo a mangaskasaba kadagiti tao

Intuloy dagiti tallo a disipulo ti mangasaba iti ebanghelio ni Jesucristo kadagiti Nephite. Agikaskasabada pay laeng iti ebanghelio.

3 Nephi 28:23, 27–29