Kapitulo 41: Dagiti Tanda ti Pannakayanak ni Cristo

Ni Nephi a mangmangted kadagiti kasuratan iti anakna a lalaki

Inted ni Nephi, ti anak a lalaki ni Helaman, dagiti sagrado a kasuratan ken nasantuan a kasuratan iti inauna nga anakna a lalaki, ni Nephi.

3 Nephi 1:2

Nakita dagiti Nephite dagiti naindaklan a tanda ken milagro a kinuna dagiti propeta a mapasamak sakbay ti pannakayanak ni Cristo.

3 Nephi 1:4

Ngem kinuna ti sumagmamano a Nephite a napalabasen ti kanito a pannakayanak ni Jesus. Inuyawda dagiti namati pay laeng kadagiti padto ni Samuel a Lamanite.

3 Nephi 1:5–6

Nagladingit a panunoten dagiti tao a namati ken ni Jesucristo ken kadagiti propeta a maysa a banag ti mabalin a manglapped iti saan a pannakaipatungpal dagiti padto.

3 Nephi 1:7

Sipupudno a nagbantay dagiti tao iti rabii nga awan ti sipnget, a tanda ti pannakayanak ni Jesucristo.

3 Nephi 1:8

Pinili dagiti saan a namati ken ni Jesucristo ti maysa nga aldaw a panangpatay kadagiti mamatpati no saan a napasamak ti tanda.

2 Nephi 1:9

Nagliday ni Nephi gapu iti kinadangkes dagiti saan a namati iti Mangisalakan.

3 Nephi 1:10

Nagkararag ni Nephi iti agmalem para kadagiti tao a mapapatay.

3 Nephi 1:11–12

Liniwliwa ti Apo ni Nephi ken imbagana kenkuana a saan nga agsipnget iti dayta a rabii. Mayanakto ni Jesus iti kabigatanna iti Betlehem.

3 Nephi 1:13

pamilia a mangbuybuya iti ilelennek ti init

Dayta a rabii bimmaba ti init, ngem saan a nagsipnget. Dimtengen ti tanda ti pannakayanak ni Jesucristo. Nasdaaw dagiti tao.

3 Nephi 1:15

Nadalupo iti daga dagiti nagplano a magpapatay kadagiti mamatpati ket kasla nataydan.

3 Nephi 1:16

Nagbutengda gapu ta nadangkesda. Ita ammodan a mayanakto ti Mangisalakan ken husto dagiti propeta.

3 Nephi 1:17–18

Nagtalinaed ti lawag iti agpatnag. Idi sumingising ti init iti kabigatanna, ammo dagiti tao a mayanak ni Jesucristo iti dayta nga aldaw. Naipatungpalen dagiti padto.

3 Nephi 1:19–20

dagiti lallaki a kumitkita iti baro a bituen

Nagparang ti maysa a baro a bituen iti tangatang, kas met laeng iti kinuna dagiti propeta a mapasamak.

3 Nephi 1:21

Pinadas ni Satanas a mangallilaw kadagiti tao a saan a mamati kadagiti tanda a nakitada, ngem kaaduanna ti namati.

3 Nephi 1:22

Binuniagan ni Nephi ken dagiti dadduma pay a dadaulo ti Simbaan ti amin a namati ken nagbabawi.

3 Nephi 1:23

Adda dagiti naimbag a damag iti daga gapu ta naipatungpalen dagiti balikas dagiti propeta. Nayanaken ni Jesucristo.

3 Nephi 1:26