Kapitulo 27

Korihor

Dimteng ti lalaki nga agnagan iti Korihor iti Zarahemla. Saan a namati ken ni Jesucristo ken inkasabana a saan a pudno dagiti imbaga dagiti propeta maipapan iti Mangisalakan.

Alma 30:6, 12–14

Imbaga ni Korihor kadagiti tao a maagda a mamati nga umayto ni Jesucristo iti daga ket agsagaba para kadagiti basbasolda.

Alma 30:16

Kinunana a saan a madusa dagiti tao para kadagiti basbasolda gapu ta awan ti biag kalpasan ti ipapatay. Adu a tattao ti namati ken ni Korihor. Nagbalinda a nadangkes.

Alma 30:17–18

Pinadas ti Korihor ti panangikasaba kadagiti tao ni Ammon, ngem saanda a dumngeg. Pinungoda isuna ket impanda ken ni Ammon, a nangpilit kenkuana a pumanaw iti siudad.

Alma 30:19–21

Napan ni Korihor iti daga ti Gideon, ngem saan met a dumngeg kenkuana dagiti tao sadiay. Imbaon ti pangulo nga ukom isuna ken ni Alma.

Alma 30:21, 29

Dinamag ni Alma ken ni Korihor no mamati isuna iti Dios. Kinuna ni Korihor a saan a mamati. Impaneknek ni Alma nga adda Dios ket umayto ni Cristo.

Alma 30:37–39

Kayat ni Korihor nga agaramid ni Alma iti milagro tapno mapaneknekan nga adda Dios. Kinuna ni Korihor a mamati iti Dios laeng no makitana ti maysa a tanda ti bileg ti Dios.

Alma 30:43

Imbaga ni Alma ken ni Korihor a nakitanan ti adu a tanda ti bileg ti Dios babaen kadagiti nasantuan a kasuratan ken dagiti pammaneknek ti amin a propeta.

Alma 30:44

Kinuna ni Alma a tanda pay nga adda Dios ti daga ken amin a banag ditoy ken ti panaggaraw dagiti planeta iti tangatang.

Alma 30:44

Nagkedked latta a mamati ni Korihor. Nagliday ni Alma gapu iti kinadangkes ni Korihor ket binallaaganna isuna a madadael ti kararuana.

Alma 30:45–46

Tinarigagayan latta ni Korihor ti maysa a tanda a mangipaneknek nga adda Dios. Kinuna ni Alma a ti tanda nga aggapu iti Dios ket saan a makapagsao ni Korihor.

Alma 30:48–49

Kalpasan nga insao ni Alma daytoy, saan a makasao ni Korihor.

Alma 30:50

Insurat ni Korihor nga ammona a naggapu iti Dios daytoy a tanda ken kanayon nga ammona idin nga adda Dios. Indawatna ken ni Alma nga agkararag ket ikkatenna ti lunod.

Alma 30:52, 54

Ammo ni Alma a no makapagsao ni Korihor ulbodenna manen dagiti tao. Kinuna ni Alma a ti Apo ti mangikeddeng no makapagsao manen ni Korihor.

Alma 30:55

Saan nga insubli ti Apo ti panagsao ni Korihor. Napan kadagiti balbalay ni Korihor, a dumawdawat iti taraon.

Alma 30:56

Nagipatulod ti pangulo nga ukom iti surat iti intero a daga a mangibagbaga no ania ti napasamak ken ni Korihor. Imbagana kadagiti tao a namati ken ni Korihor nga agbabawida. Nagbabawi dagiti tao.

Alma 30:57–58

Napan ni Korihor nakipagindeg kadagiti Zoramite. Maysa nga aldaw kabayatan ti panaglimlimosna, nailudekludek isuna agingga a natay.

Alma 30:59