Kapitulo 29
Isuro ni Alma maipapan iti Pammati ken ti Balikas ti Dios
Insuro ni Alma kadagiti Zoramite ti maipapan iti pammati. Kinunana nga awan ti pammati dagiti tao nga agkiddaw iti tanda sakbay a mamatida.
Kinuna ni Alma a ti pammati ket panamati a pudno ti maysa a banag a saan a talaga makitkita daytoy.
Inlawlawagna a dumakkel ti pammati kas iti kayat ti maysa a tao a mamati ken dumngeg iti balikas ti Dios. Kalpasanna maimula ti bukel iti puso ti tao, ken kas iti bukel mangrugi daytoy a dumakkel.
No masursuruan ti maysa a tao iti ad-adu pay maipapan iti ebanghelio, agramut ti bukel ket agtultuloy a dumakdakkel. Ammo ti tao a nasayaat ti bukel, ket pumigpigsa ti pammatina.
Kinuna ni Alma a kas met laeng iti panagbunga iti nasayaat ti maysa a nasayaat a bukel, mangisangbay ti balikas ti Dios kadagiti bendision iti tattao nga addaan iti pammati.