Dagiti Tao nga Ammuen
- Aaron
-
anak a lalaki ti Ari Mosiah ken misionario kadagiti Lamanite
- Abinadi
-
maysa a propeta a naibaon a mangisuro ken ni Ari Noe, a nangpapuor ken ni Abinadi agingga a natay
- Adan
-
ti umuna a tao iti daga
- Alma
-
saserdote ni ari Noe a namati kadagiti pannursuro ni Abinadi ken idi agangay nagbalin a dadaulo ti Simbaan
- Alma nga Ub-ubing
-
anak a lalaki ni Alma a nagalsa ken nangpadas a mangdadael iti Simbaan ngem nagbalbaliw ti pusona ket nangrugi a nangisuro iti ebanghelio. Nagbalin a dadaulo ti Simbaan ken ti umuna a pangulo nga ukom.
- Amalickiah
-
nadangkes a tao a nagtarigagay nga agbalin nga ari dagiti Nephite ngem alaenna ti wayawaya dagiti tao. Idi saan a nagbalin nga ari, pimmanaw a nakitipon kadagiti Lamanite.
- Amlici
-
nadangkes a tao a nagtarigagay nga agbalin nga ari dagiti Nephite. Idi saan a nagbalin nga ari, pimmanaw isuna ken dagiti pasurotna, dimmarup kadagiti Nephite, ket kalpasanna timmipon kadagiti Lamanite.
- Amlicite, dagiti
-
dagiti pasurot ni Amlici. Nangikabilda iti nalabaga a marka kadagiti mugingda ken timmiponda kadagiti Lamanite.
- Ammaron
-
nalinteg a tao a nangted ken ni Mormon kadagiti kasuratan tapno masaluadanda
- Ammon, dagiti tao ni
-
dagiti Lamanite a pinasurot dagiti annak a lallaki ni Mosiah. Inkali dagiti tao dagiti armasda ket nakitulagda a saandan a makiranget manen.
- Ammon1
-
ti dadaulo ti maysa a grupo dagiti Nephite manipud iti Zarahemla a napan iti daga ti Nephi ket timmulong kadagiti Nephite idiay a naglibas
- Ammon2
-
maysa kadagiti annak a lallaki ni Mosiah a nangsalaknib kadagiti arban ni Ari Lamoni manipud kadagiti mannanakaw. Nangisuro ken nangpasurot iti adu a Lamanite kabayatan ti misionna.
- Amulek
-
maysa a misionario a kadua ni Alma nga Ub-ubing. Naipupokda iti pagbaludan ngem inusarda ti bileg ti Dios a nangrebba kadagiti pader ti pagbaludan.
- Amulon
-
Maysa a nadangkes a saserdote ni Ari Noe a nagbalin nga agturay dagiti tao ni Alma. Pinagbannogna ida iti nakarigrigat ket nagpangta a papatayenna ti asino man a matiliwan nga agkarkararg.
- annak a lallaki ni Mosiah
-
Dagiti lallaki nga annak ni Mosiah: Aaron, Ammon,2 Himni, ken Omner, a maingel a misionario kadagiti Lamanite
- Benjamin, Ari
-
maysa a nalinteg nga ari a nagtakder iti maysa a torre a mangisuro kadagiti taona maipapan ken ni Jesucristo.
- Corianton
-
anak a lalaki ni Alma nga Ub-ubing a saan a napudno ken nalinteg a misionario
- Coriantumr
-
maysa a nadangkes nga ari a kaudian a sibibiag a Jaredite
- Dagiti Anti-Nephi-Lehi
-
(kitaen iti Ammon, dagiti tao ni)
- dua ribu nga agtutubo a mannakigubat
-
maysa a buyot dagiti agtutubo a lallaki nga Ammonite nga indauluan ni Helaman. Nakirangetda tapno saan a nasken a makiranget dagiti dadakkelda, a nakitulag a saanda a makiranget.
- Enos
-
anak a lalaki ni Jacob a nagkararag iti agmalmalem ken iti rabii. Inkararaganna dagiti Nephite ken dagiti Lamanite.
- Ether
-
maysa a propeta a nangballaag kadagiti Jaredite nga agbabawi ken nagsurat maipapan iti pannakadadaelda
- Eva
-
ti umuna a babai iti daga
- Gideon
-
maysa a nalinteg a Nephite a nangsalaknib iti Simbaan idi rinugian ni Nehor ti panangisuro iti inuulbod kadagiti tao. Pinatay isuna ni Nehor.
- Hagoth
-
maysa a Nephite nga agar-aramid iti bapor a nangipan iti adu a Nephite iti maysa a daga iti laud
- Helaman
-
ti inauna nga anak a lalaki ni Alma nga Ub-ubing. Naited kenkuana dagiti pinanid ken nabagaan a mangisurat iti pakasaritaan dagiti taona. Isu pay ti dadaulo dagiti 2,000 nga agtutubo a mannakigubat.
- Himni
-
anak a lalaki ti Ari Mosiah ken misionario kadagiti Lamanite
- Ishmael
-
lalaki a naggapu iti Jerusalem a nakipagdaliasat iti kaamaan ni Lehi nga agturong iti naikari a daga. Inkallaysa dagiti annakna a babbai dagiti annak a lallaki ni Lehi.
- Jacob
-
anak a lalaki da Lehi ken Saria. Sinangona ni Sherem, a nagkuna nga awan ti Cristo.
- Jaredite, dagiti
-
dagiti pasurot ni Jared ken ti kabsatna a lalaki a pimmanaw iti Babel ket nagdaliasat nga agturong iti naikari a daga babaen kadagiti bilog
- Joseph
-
nalinteg nga anak a lalaki da Lehi ken Saria a nayanak iti langalang
- Joseph Smith, Jr.
-
maysa a propeta iti ud-udina nga aldaw a nangipatarus iti Libro ni Mormon manipud kadagiti balitok a pinanid
- Korihor
-
Nadangkes a lalaki a nagtarigagay iti tanda a mangipaneknek a sibibiag ti Dios. Inted ti Dios ken ni Korihor ti tanda babaen ti panangikkatna iti timekna.
- Laban
-
nadangkes a lalaki iti Jerusalem a saan a mangted kadagiti pinanid a gambang kadagiti annak a lallaki ni Lehi
- lalaki a kabsat ni Jared
-
maysa a propeta a nagkiddaw ken ni Jesus a sagidenna ti 16 a bato tapno mangted lawag kadagiti bilog nga usaren dagiti Jaredite iti panagdaliasat nga agturong iti naikari a daga
- lallaki-ti-ari
-
dagiti Nephite a nagtarigagay a maiturayan ida ti maysa nga ari, saan a dagiti ukom. Idi saanda a maaddaan iti ari, timmiponda kadagiti Lamanite ket dinarupda dagiti Nephite.
- Laman
-
ti inauna nga anak a lalaki da Lehi ken Saria. Nadangkes isuna ken nagalsa a maibusor iti Dios.
- Laman, Ari
-
nadangkes nga ari a Lamanite a nangted ken ni Zeniff ken dagiti pasurot ni Nephi iti dua a siudad ngem kalpasanna dimmarup kadakuada
- Lamanite, dagiti
-
dagiti kaputotan wenno an-annabo da Laman ken Lemuel wenno dagiti tao a saan nga immawat iti ebanghelio
- Lamoni, ama ti Ari
-
maysa nga ari a Lamanite a nangisuro iti ebanghelio ken namati. Kinunana a lipatenna ti amin a basolna tapno mangam-ammo iti Dios.
- Lamoni, Ari
-
maysa nga ari a Lamanite a nangisuro iti ebanghelio ken namati. Ammon2 sinalaknibanna dagiti arban ti ari manipud kadagiti mannanakaw.
- Lehi1
-
maysa a propeta a nangballaag a madadael ti Jerusalem. Dimngeg isuna idi imbaga ti Dios kenkuana nga ipanna ti kaamaanna iti langalang.
- Lehi2
-
ti anak a lalaki ni Helaman. Naipupokda iti kabsatna, a ni Nephi, iti pagbaludan ket napalawlawanda iti apuy.
- Lemuel
-
Nadangkes nga anak a lalaki da Lehi ken Saria
- Limhi, Ari
-
Nasayaat nga anak a lalaki ti nadangkes nga Ari Noe. Nagbalin isuna ken dagiti taona nga adipen dagiti Lamanite ngem naglibasda.
- Maria
-
ti ina ni Jesus
- Mormon
-
maysa a dadaulo dagiti buyot a Nephite ken maysa kadagiti maudi a propeta a Nephite. Tiniponna ti Libro ni Mormon.
- Moroni
-
anak a lalaki ni Mormon ken ti maudi a propeta a Nephite. Inkalina dagiti balitok a pinanid ket idi agangay nagparang ken ni Joseph Smith kas maysa nga anghel.
- Moroni, Kapitan
-
maysa a nalinteg a dadaulo ti buyot a Nephite. Inaramidna ti wagayway ti wayawa ket imbagana iti buyotna a makirangetda para iti wayawayada.
- Mosiah, Ari
-
ti maudi nga ari a Nephite. Addaan iti uppat nga annak a lallaki.
- nawaya a lallaki, dagiti
-
Dagiti Nephite a nagtarigagay iti wayawaya nga agbiag ken agdaydayaw kas pilienda. Inturayan ida dagiti ukom, saan nga ari.
- Nehor
-
maysa a nadangkes a tao a situtured a nangsuppiat iti Simbaan ti Dios. Pinatayna ni Gideon ket napapatay.
- Nephi1
-
maysa a nalinteg nga anak a lalaki da Lehi ken Saria. Naalana dagiti pinanid a gambang manipud ken ni Laban ken nangbangon iti bapor a nangipan iti kaamaanna iti naikari a daga.
- Nephi2
-
ti anak a lalaki ni Helaman. Naipupokda iti kabsatna, a ni Lehi, iti pagbaludan ken napalawlawanda iti apuy. Inaramid ni Nephi nga adda panagbisin tapno masuruan dagiti tao nga agbabawi.
- Nephi3
-
maysa a nalinteg a tao a pinili ni Jesucristo nga agbalin a disipulo ken dadaulo ti Simbaan
- Nephite, dagiti
-
dagiti pasurot ni Nephi wenno tattao a nangawat iti ebanghelio
- Noe, Ari
-
maysa a nadangkes a Nephite a nangipateg kadagiti kinabaknang ken nangisuro kadagiti taona nga agbalin a nadangkes. Pinuoran dagiti bukodna a tao agingga a natay.
- Omner
-
anak a lalaki ti Ari Mosiah ken misionario kadagiti Lamanite
- Pahoran
-
maysa a pangulo nga ukom dagiti Nephite a nangtulong ken ni Kapitan Moroni nga abakenna dagiti nadangkes a Nephite
- Sam
-
maysa a nalinteg nga anak a lalaki da Lehi ken Sariah
- Samuel a Lamanite
-
maysa a propeta a nangipadto kadagiti Nephite maipapan kadagiti tanda ti pannakayanak ken ipapatay ni Jesucristo
- Saria
-
asawa ni Lehi1
- Seantum
-
ti kabsat a lalaki ken pimmatay ken ni Seezoram
- Seezoram
-
maysa a pangulo nga ukom a pinatay ti kabsatna a lalaki
- Sherem
-
maysa a nadangkes a Nephite a nagtarigagay iti tanda sakbay a mamati ken ni Jesucristo
- Shiz
-
maysa a nadangkes a Jaredite a nangidaulo iti buyot a maibusor ken ni Coriantumr ken maysa kadagiti maudi a sibibiag a Jaredite
- Zeezrom
-
maysa nga abogado a nagidiaya ken ni Amulek iti kuarta tapno ibagana nga awan ti Dios. Sinuruan isuna ni Alma nga Ub-ubing iti ebanghelio, ket nagbabawi isuna.
- Zeniff
-
nalinteg a dadaulo a nangala iti grupo dagiti Nephite manipud iti Zarahemla nga ipan iti daga ti Nephi, a nagbalinanda nga adipen ti nadangkes nga Ari Laman
- Zerahemnah
-
dadaulo ti Lamanite a nakiranget kadagiti Nephite ken tinarigagayanna ida nga agbalin nga adipenna. Nalapgis ti kudil ti ulona iti gubat a maibusor iti buyot ni kapitan Moroni.
- Zoram
-
maysa a katulongan ni Laban a nakipagdaliasat iti kaamaan ni Lehi nga agturong iti naikari a daga
- Zoramite, dagiti
-
nadangkes a tattao a naminsan a nagkameng iti simbaan ti Dios. Nagkararagda iti uneg dagiti sinagoga iti maysa a pagtakderan a maawagan iti Rameumptom.