Kapitulo 35

Da Kapitan Moroni ken Pahoran

Maragsakan ni Moroni a nakadamag a naibabawi ni Helaman ken ti buyotna ti kaaduan ti daga a Nephite manipud kadagiti Lamanite.

Alma 59:1

Ngem kasapulan ni Helaman ken ti buyotna ti tulong. Awan ti umdas a soldadoda a mangsalakbnib iti adu unay a siudad.

Alma 58:32

Nagsurat ni Moroni ken ni Pahoran, ti pangulo nga ukom ken gobernador. Indawatna ken ni Pahoran a mangibaon iti ad-adu pay a soldado a tumulong iti buyot ni Helaman.

Alma 59:3

Dinarup dagiti Lamanite ti maysa a siudad ti Nephite a saan a napasubli ni Helaman. Pinapatayda ti adu a Nephite ket kinamatda dagiti nabati manipud iti siudad.

Alma 59:5–8

Nagpungtot kadagiti dadaulo ti gobierno gapu ta saanda a nangipatulod iti tulong, nagsurat manen ni Moroni iti sabali a surat ken ni Pahoran.

Alma 59:13; 60:1

Insurat ni Kapitan Moroni nga adu kadagiti tao ti napapatay gapu ta saan a nangibaon ni Pahoran iti ad-adu pay a soldado.

Alma 60:5

No saan a mangipatulod a dagus ni Pahoran kadagiti lallaki ken taraon, ipan ni Moroni ti buyotna iti Zarahemla ket mangala iti kasapulan ti buyotna.

Alma 60:34–35

Iti nabiit nakaawat ni Moroni iti surat manipud ken ni Pahoran. Nagladingit unay gapu iti panagsagaba ni Moroni ken dagiti buyotna.

Alma 61:1–2

Imbaga ni Pahoran ken ni Moroni a saan a kayat ti maysa a grupo dagiti nadangkes a Nephite a maawagan iti lallaki-ti-ari nga isu ti agbalin a pangulo nga ukom. Pinadisida isuna ken dagiti tumultulong kenkuana iti Zerahemla.

Alma 61:3–5

Innayon pay ni Pahoran nga um-ummongenna ti buyot a padasenna nga isubli iti Zarahemla.

Alma 61:6–7

Nangpili dagiti lallaki-ti-ari iti maysa nga ari nga agbalin a dadauloda ken nakikaduada kadagiti Lamanite.

Alma 61:8

Saan a nakagura ni Pahoran iti insurat ni Moroni. Kinayatna met nga agbalin a nawaya dagiti Nephite.

Alma 61:9

Indawatna ken ni Moroni a mangyeg iti sumagmamano a lallaki a mangtulong kenkuana ket kinunana a no makaummong ni Moroni iti ad-adu pay a lallaki iti dalanda, mapasubli ti nagtipon a buyot ti Zarahemla.

Alma 61:15–18

Naragsakan ni Kapitan Moroni a napudno pay laeng ni Pahoran iti pagilianna ken tinarigagayanna pay laeng ti wayawaya para kadagiti taona.

Alma 62:1

Kakuyogna ti sumagmamano kadagiti taona, napan nakipagkita ni Moroni ken ni Pahoran. Iggemna ti wagayway ti wayawaya, ket rinibribu a lallaki ti kimmuyog iti dalanda.

Alma 62:3–5

Nagna dagiti nagtipon a buyot da Moroni ken Pahoran a mapan iti Zarahemla. Pinapatayda ti ari dagiti nadangkes a Nephite ket tiniliwda dagiti taona.

Alma 62:7–8

Kalpasanna nangipatulod ni Moroni iti taraon ken dagiti 12,000 a soldado a mangtulong kadagiti buyot a Nephite. Pinapanaw dagitoy a buyot dagiti Lamanite, ket adda manen kappia iti daga.

Alma 62:12–13, 38–42