Kapitulo 2

Ballaagan ni Lehi dagiti Tao

ti propeta a mangisursuro

Nadangkes ti kaaduan kadagiti tao nga agnanaed iti Jerusalem 600 a tawen sakbay ti pannakayanak ni Cristo. Nangibaon ti Dios kadagiti propeta tapno ibaga kadakuada nga agbabawi, ngem saanda a dumngeg.

1 Nephi 1:4

Ni Lehi ken ti adigi nga apuy

Maysa a propeta ni Lehi. Nagkararag tapno agbabawi dagiti tao. Bayat ti panagkararagna, nagparang ti kasla adigi nga apuy. Imbaga ken impakita ti Dios ken ni Lehi ti adu a banag.

1 Nephi 1:5–6

Ni Lehi a kumitkita iti parmata

Nagawid ni Lehi ken naaddaan iti parmata. Nakitana ti Dios a napalawlawan iti adu nga anghel. Agkankanta ken agdaydayaw iti Dios dagiti anghel.

1 Nephi 1:7–8

Ti parmata ni Lehi

Iti parmatana naikkan ni Lehi iti libro a nangibaga a no ania ti mapasamak iti masakbayan. Nabasana a madadael ti Jerusalem gapu ta nadangkes dagiti tao.

1 Nephi 1:11–13

Ni Lehi a makisarsarita kadagiti tao

Imbaga ni Lehi kadagiti tao a madadael ti Jerusalem. Imbagana pay ti yaay ni Jesus. Nakagura dagiti tao ket pinadasda a papatayen ni Lehi, ngem sinalakniban ti Apo isuna.

1 Nephi 1:18–20