Kapitulo 16
Aglibas ni Ari Limhi ken dagiti Taona
Tiniliw dagiti Lamanite ti adu kadagiti Nephite a saan a nakipaglibas ken ni Ari Noe. Innala ida dagiti Lamanite ken inikkanda ida iti daga ngem pinagbayadda ida iti dakkel a buis.
Inaramid dagiti Nephite ni Limhi a baro nga arida. Anak ni Ari Noe ni Limhi, ngem saan a nadangkes a kas iti amana. Nasayaat isuna a tao.
Pinadas ni Ari Limhi ti makikappia kadagiti Lamanite, ngem intuloyda ti panagbantay kadagiti Nephite ken panagbalin a naranggas kadakuada.
Maysa nga aldaw nakita ni Ari Limhi ti sumagmamano a ganggannaet iti ruar ti siudad. Pinaibaludna ida. Dagiti Nephite manipud iti Zarahemla dagiti ganggannaet.
Agnagan iti Ammon ti dadauloda. Naragsakan ni Ari Limhi a makakita kenkuana. Ammona a matulongan ni Ammon dagiti taona nga aglibas manipud kadagiti Lamanite.
Inawagan ni Ari Limhi a sangkamaysa dagiti taona. Impalagipna kadakuada a ti kinadangkesda ti gapu ti panangtengngel kadakuada dagiti Lamanite.
Imbagana kadagiti taona nga agbabawi, agtalek iti Dios, ken agtungpal kadagiti bilin. Kalpasanna tulonganto ti Dios ida nga aglibas.
Naammuan dagiti Nephite a nagbantay iti siudad a gagangay a nabartekda iti rabii.
Dayta a rabii nangipatulod ni Ari Limhi iti nayon pay nga arak kadagiti guardia kas maysa a sagut.
Nabaelan ni Ari Limhi ken dagiti taona a nagarudok iti sango dagiti nabartek a guardia ket nakapaglibasda.
Inturong ni Ammon ni Ari Limhi ken dagiti taona iti langalang agingga iti Zarahemla, a nakapasangbayanda.