Kapitulo 26

Dagiti Tao ni Ammon

Nangisuro dagiti annak a lallaki ni Mosiah iti ebanghelio kadagiti Lamanite. Rinibribu a Lamanite ti nagbabawi ken kimmappeng iti Simbaan.

Alma 23:4–5

Dagiti Lamanite a kimmappeng iti Simbaan ket inawaganda ti bagbagida iti Anti-Nephi-Lehi, wenno dagiti tao ni Ammon. Nasayaat, ken nakagaggagetda a tattao.

Alma 23:17–18; 27:26

Dagiti Lamanite a saan a nagbabawi ket nagpungtot kadagiti tao ni Ammon ket nagsagana a makiranget kadakuada.

Alma 24:1–2

Ammo dagiti tao ni Ammon nga umay dagiti nadangkes a Lamanite a mangpatay kadakuada ngem inkeddengda a saanda a makiranget. Nagbabawida iti panagpatayda.

Alma 24:5–6

Inkalida dagiti armasda iti uneg ti daga ket inkarida iti Dios a saandanton pulos pumatay manen.

Alma 24:17–18

Idi dumteng dagiti nadangkes a Lamanite ket rinugianda a patayen ida, nagtamedda iti daga ket nagkararag.

Alma 24:21

Iti pannakakitada a saan a makiranget dagiti tao ni Ammon, adu kadagiti Lamanite ti nagsardeng a pumatay kadakuada.

Alma 24:23–24

Nagladingit dagiti Lamanite a nakapatayda. Impuruakda dagiti armasda ket timmiponda kadagiti tao ni Ammon. Saandan a makiranget pay.

Alma 24:24–27

Dimteng ti ad-adu pay a Lamanite a mangpatay kadagiti tao ni Ammon. Saanda latta a makiranget, ket adu ti napapatay.

Alma 27:2–3

Iti saanna a panagtarigagay a madadael dagiti tao nga ay-ayatenna, nagkakarag ni Ammon para iti tulong. Imbaga ti Apo kenkuana nga alaenna dagiti taona ket pumanawda iti daga.

Alma 27:4–5, 10–12

Inted dagiti Nephite iti Zarahemla ken ni Ammon ken dagiti taona ti daga ti Jershon ket sinaluadanna ida. Nagbalinda nga aggagayyem.

Alma 27:22–23