Kapitulo 10
Da Jacob ken Sherem
Sakbay a natay ni Nephi intedna dagiti pinanid, nga insuratna iti inaudi a kabsatna a ni Jacob. Nalinteg ni Jacob.
Imbaga ni Nephi ken ni Jacob nga isuratna dagiti banag a makatulong kadagiti tao a mamati ken ni Jesucristo.
Inted ni Nephi ken ni Jacob ti pannakabalin nga agbalin a saserdote iti Simbaan ken mangisuro iti balikas ti Dios kadagiti Nephite.
Kalpasan a natay ni Nephi nagbalin a nadangkes ti adu kadagiti Nephite. Insuro ni Jacob dagiti tao ket imbagana kadakuada nga agbabawida kadagiti dakes a banag nga inar-aramidda.
Napan ti nadangkes a tao nga agnagan iti Sherem kadagiti Nephite, a nangisursuro kadakuada a saan a mamati ken ni Jesucristo.
Imbaga ni Sherem kadagiti tao nga awanto ti Cristo. Adu a tao ti namati ken ni Sherem.
Insuro ni Jacob dagiti tao a mamati ken ni Cristo. Tinarigagayan ni Sherem a makisuppiat ken ni Jacob ken manguyot kenkuana nga awanto ti Cristo.
Saan a maisin ti pammati ni Jacob ken ni Jesucristo. Nakitana dagiti anghel ken nangngegna ti timek ti Apo. Ammona nga umayto ni Jesus.
Adda ti Espiritu Santo ken ni Jacob bayat ti panangiburayna ken ni Sherem iti pammaneknekna maipapan ken ni Jesucristo.
Nagdawat ni Sherem a makakita iti tanda. Kayatna a paneknekan ni Jacob nga adda maysa a Dios. Kayatna a makita ti maysa a milagro.
Saan a dumawat ni Jacob iti Dios para iti tanda. Kinunana nga ammon ni Sherem a pudno ti insuro ni Jacob.
Kinuna ni Jacob a no sapliten ti Dios ni Sherem, dayta ti tanda ti bileg ti Dios.
Dagus a nadalupo ni Sherem. Saan a nakabangon iti uneg ti adu nga aldaw.
Nakapsut ni Sherem ket ammona nga asidegen isuna a matay. Inawaganna dagiti tao a sangsangkamaysa.
Imbagana kadakuada a nagulbod isuna. Kinunana kadakuada a nasken a mamatida ken ni Jesucristo.
Kalpasan ti pannakisarita ni Sherem kadagiti tao, pimmusay isuna. Narikna dagiti tao ti bileg ti Dios, ket nadalupoda iti daga.
Nangrugi dagiti tao nga agbabawi ken agbasa kadagiti nasantuan a kasuratan. Nagbiagda iti talna ken ayat. Naragsak ni Jacob ken ammona a sinungbatan ti Dios dagiti kararagna.