Kapitulo 33
Dagiti Lallaki-ti-Ari bersus Dagiti Nawaya a Tattao
Tarigagayan ti sumagmamano a Nephite a balbaliwan ti pangulo nga ukom, a ni Pahoran, ti sumagmamano kadagiti paglintegan.
Idi nagkedked ni Pahoran, nakapungtot dagiti tao ket kayatda nga ikkaten ni Pahoran kas pangulo nga ukom. Tinarigagayanda ti maaddaan iti ari, saan nga ukom.
Naawagan iti lallaki-ti-ari, ninamnamada a maysa kadakuada ti agbalin nga ari ken adda bilegna kadagiti tao.
Maawagan iti nawaya a tattao dagiti Nephite a nagtarigagay a mangpatalinaed ken ni Pahoran kas pangulo nga ukom. Tinarigagayanda ti agbalin a nawaya nga agbiag ken agdaydayaw no pilienda.
Nagbutos dagiti tao kadagiti nawaya a tattao ken lallaki-ti-ari. Kaaduan kadakuada ti nagbutos kadagiti nawaya a lallaki.
Iti isu met la a gundaway, um-ummongen ni Amalickiah ti dakkel a buyot dagiti Lamanite a mangdarup kadagiti Nephite.
Idi madamag dagiti lallaki-ti-ari nga umay dagiti Lamanite, naragsakanda ket nagkedkedda a tumulong a mangsaluad iti pagilianda.
Nagpungtot ni Kapitan Moroni kadagiti lallaki-ti-ari iti saanda a pannakiranget. Sireregta nga inkarigatanna ti mangpatalinaed a nawaya dagiti Nephite.
Nagkiddaw isuna iti gobernador iti bileg a mangparanget kadagiti lallaki-ti-ari kadagiti Lamanite wenno mapapatayda.
Idi inted ti gobernador, a ni Pahoran, ti bileg ken ni Moroni, indauluan ni Moroni ti buyotna a bumusor kadagiti lallak-ti-ari.
Adu ti napapatay a lallaki-ti-ari; sumagmamano dagiti naipupok iti pagbaludan. Immananong dagiti dadduma a tumulong a mangsalaknib iti pagilianda.